الاسم    فادي زهراء

المواليد    24-6-1987

غير متزوج

المهنة    مسؤول تسويق التدريب في شركة للموارد البشرية

الهواية      الرسم

الرياضة المفضلة    كرة السلة

أحلى صفاتي    الشفافية و الصراحة

أسوأ صفاتي    عصبي زيادة عن اللزوم

ماذا أتمنى في الحياة    بصراحة هاد سؤال جوابي يا إما بدو يكون طويل كتير يا إما قصير كتير

و انا رح اختار الجواب القصير

يعني بحس انو يا ريت العالم تتخلى شوي عن الكذب و الكراهية والحقد و الغيرة

 اللي بقلبن و نحنا بالف خير

 ماذا حققت في حياتي    تحقيقات حياتي بالنسبة لعمري

لسا ما بتنذكر بس انشاء الله يعني شوي شوي بنصي

ماذا يعني لي تراترو      بصراحة تراترو قدرت اني اطلع من هالموقع

الرائع بصداقات رائعة جدا و جميلة و انشاء الله الخير لقدام

ماذا أتمنا في تراترو      يا ريت الكل يحترم الثقة اللي بيعطي ياها الشخص التاني

و أتمنا انو المشاكل اللي عم تصير من دون سبب يا ريت خلص بقا

مارأيي بكاتب المدونة 

هاد سؤال ملغوم هدوش

طبعا انا لسوء حظي ما صرلي زمان كتير بعرفك

و كنت بتمنا انو كون عرفتك من قبل و الله

شخص محترم كتير و هادي على أسمو و انا شخصيا كتير بحترمو

شو رأيي بالأهل : انا ما رح جاوب على هالسؤال

رأيي بالحياة      الدنية بتستاهل انو نعيش كل لحظة فيها 

و صدقوني ما بتستاهل لحظة زعل

المال      للأسف هيي اللي عم تنزع الحياة و عم تنزع علاقات العالم ببعضها

الصداقة        أحلى شي بالدنية و خصوصا إذا كانت نابعة من القلب

الحب : اخخخخخخخخخخخخخخخخخخ من الحب

ا( بما انو قلت اخ ما عاد في داعي كمل ) .مو هيك

البلد     الله يخليلنا هالبلد يا رب و يديمنا نحنا ذخر لهالوطن

أتحدث عن نفسي       بصراحة انا حابب انو العالم اللي عم تعلق

 تحكي عني انا ما بدي احكي شي عن حالي

و بالنسبة لاصدقائي في تراترو

كلمة وحدة بس حابب قولها يا ريت كل العالم تصفي نيتها اتجاه العالم التانية

و يا ريت ما حدا يزعل مني من الحكي اللي عم اكتبو

 لانو بجد صار لازم انو بعض العالم اللي هون تصفي نيتها تجاه العالم التانية

و بالنهاية بقلكن بجد كانت فرصة كتير حلوة اني تعرفت على كتير من العالم اللي هون

 و بجد تعلمت شغلات حلوة و جديدة هون كتير

بالنهاية كانت كتير حلو اني تعرفت على كتير من العالم منكن هون و فعلا بشكر الله

و بشكر هدوش على هالفكرة الكتير حلوة

و بشكرو انو خلاني مرر رسالة لأصقدائي في الموقع هون و للعالم اللي عاملين حالهن أصدقاء

طبعا انا بدي اعتذر مرة تانية على كلامي الدج بس شو بدي اعمل

اللي عم ياكل العصي مو متل اللي عم يعدها