قرأت هالقصة وعجبتني / هي قصة مثل قديم  / بتمنى تعجبكون

(عجبا ً للحسد ما أعدله بدأ بصاحبه فقتله)

بتحكي هي القصة عن ملك كان عندو مستشار بيحسد الناس على كل شي بالرغم من منصبو بس الحسد بدمو ما بيقدر

وكان في شيخ بيحبو الملك كتير وعلى طول بيحب يدعو لعندو ع  القصر وبيقدملو هدايا كتير

طبعا المستشار انزعج من اهتمام الملك بهاد الشخص وقرر أنو يتخلص منو ... راح هالمستشار لعند هالملك وخبرو انو الشيخ بيقول للناس أنو على طول ريحتك طالعة ما حلوة  ...  الملك اتفاجأ

قلو المستشار اذا بتحب أعزمو لعندك اليوم ع الغدى وبتشوف كيف لما يقرب منك رح يحطي ايدو على تمو وانفو وافق الملك وعزم الشيخ على الغدا

كان المستشار طالب من الطباخ انو يكتر توم بصحن الشيخ وطبعا الشيخ رح ياكل ما رح يقدر يقلو للملك انو الاكل في توم كتير ماحلوة يعني وغير هيك رح يعاقب الطباخ وما بدو يسبب مشاكل

خلصو اكل وهلأ صار دور الملك يتأكد من كلام المستشار . انو صحيح الشيخ بيقول للناس ريحة تمو طالعة ؟

وقف الملك وطلب من الشيخ يقرب منو ولما تقدم الشيخ من الأدب حط ايدو على تمو منشان ريحة التوم الي طالعة منو مابدو يدايق الملك قرب المستشار لعند الملك وشو وشو شفت يا حضرة الملك كيف بيقول للناس ريحتك ماحلوة

قال الملك للشيخ ان شا الله عجبك الغداء  جاوب الشيخ بكل تواضع وهوا حاطط ايدو على تمو  كتير كان الاكل طيب الله يجزيك الخير

تبسم الملك للشيخ وقلو انا مسرور منك كتير منشان هيك رح أعطيك هدية ومسك كتاب مختوم  وعطا للشيخ

وقلو بتروح بتصرف الكتاب من القلعة وما بيفتح الكتاب غير الأمير الي بالقلعة 

المستشار انزعج كتير كتير  يعني معقولة بعد كل الي صار يكافئو الملك ويعطي هدية محرزة من القلعة ! وراح الشيخ ولحقو المستشار ولما وصلو لباب القصر

اتوسل المستشار للشيخ انو يعطي الهدية طبعا الشيخ ما ردلو طلب وعطا الهدية والمستشار طار عقلو انو اخد الهدية وما صدق حالو وراح ع القلعة بسرعة منشان يصرف الهدية

دخل عند الأمير وعطا الكتاب فتح الكتاب الأمير وهون اطلع الأمير بالمستشار وقلو لاحول ولاقوة إلا بالله  . فجأة نادى الأمير لقطاع الروس وقلو خود المستشار وأقطع راسو فورا

المستشار قال للأمير طول بالك شو هالحكي هي الورقة مو الي هي للشيخ .... الأمير قلو مكتوب عندي  بأمر من الملك يقطع رأس حامل هذا  الكتاب فورا ً دون تراجع وطبعا الختم موجود

مافي نقاش اخد قطاع الروس المستشار وقطع راسو .......بعت الأمير كتاب تم تنفيذ أمر حضرتكم بقطع رأس المستشار

أتفاجأ الملك بهالخبر وطلب الشيخ فورا ً وسألو عن الكتاب قلو الشيخ : المستشار طلبو مني قبل ما أطلع من القصر وأنا عطيتو الكتاب لأنو  ما رح ناخد معنى شي من الدنيا منشان هيك عطيتو يا

سألو الملك : ليش حطيت ايدك على تمك لما حكيت معي وقربت مني  قلو الشيخ  بخجل وتواضع عفوا منك بس كان الاكل في توم وريحة تمي مو حلوة منشان ما دايقك بكلامي حطيت ايدي على تمي

وهون الملك قال

عجبا ً للحدث ما أعدله بدأ بصاحبه فقتله

بتمنى تكون عجبتكون القصة وآسف ع الإطالة

تحياتي 

************************************************************************************************

ضياء