عيد الحب

بحب قول تضرب شو كريك لكل شنتير مرافق بنت صف سادس مو وصلانة لعند كوعو،يعني ازا جاع بتسمع زقزقة عصافير بطنو، وعميستغل بوادر المراهقة تبعها متل النسناس.وبيقول لرفقاتو لعاب بالمقصقص ليجيك الطيار،لك ريتو يجيك شي مقص طيار يفش نيعك شو شريطي ودودة اسكاريس

بعد انقضاء السنوات الخمس النضالية بهندسة الاتصالات واللي انتجت الألم العبقري وفجرت المواهب الساخرة للكريك الأكبر لهالصفحة
بحب باركلو لأنو تخرج وصار مهندس و بهنؤو بالانتقال من مرحلة الحياة الجامعية كطالب الى مرحلة البطالة كمهندس عاطل عن العمل

حارة الضبع، ووادي الزئاب، وذئاب في غابة الغزال، وعضة كلب.... شو مشان التنامي غير المسبوق لدور الذئاب والسباع بالحياة التلفزيونية؟؟؟؟ يحرئ ذئبون بقا.. صرعو سمايي.. وكل مسلسل بيمط شي 15 سنة، يعني الذئب او الضبع يللي بالمسلسل بيكون مات هوه وولادو والتعن سنسفيلهن. بس قولكن معقول الذئاب يشكلو نقابة ويطالبو بحقوقن من المسلسلات؟ ولي عهالغلطة بكرا بيطلعولنا مسلسل نقابة الذئاب

بلا ما نحكي عالناس يللي بيشوفو المستقبل والاقدار من الاسم او الصوت او الشكل.يا أخي أامنا انو هالزلمة مو طبيعي،ولا بدي احكي عالابراج لانها علم قديم ومقدس.. بس مشان الله حدا يقللي كيف بتعرف مستقبلك من فنجان القهوة؟يعني ازا اشتريت بن ابو سمرة بيختلف مستقبلي عن لما اشتري بن خلدون، وازا شي كريك ضيفني قهوة صايتة رح يلتعن ابوه لمستقبلي لك المصيبة الاكبر لما تكون ما بتشرب قهوة بنوب وبتحب الشاي مثلا.ساعتها رح تصفى بلا مستقبل

قلبي واحشائي معكم يا احفاد فرعون

بحب قول تضرب شو كريك للتمساح يللي تغلب على كافة تماسيح الامازون والنيل والهند، وحط احفاد الديناصورات
من العظاءات والحناش والزواحف ذات الحراشف بجيبتو تبع الفراطة من كتر جلدو ومخو مو سماك.وطحش اللافاش
كيري بابتسامتو الساحرة واتعمشق اكتر من عنكبوت الارملة السوداء ولزق متل البزاقة عالحيط وسمكة الزبال عالحوض
وقهر العلق واعطى مفهوم جديد للدبق .. لك حل عن سما هالشعب الفرعوني يا كريك ولاقيلك غير شغلة.. اشتغل حديقة حيوانات مسلان

في ظل الحرب المستعرة بين مستخدمي تراترو في سوريا والشخص يللي بيقعد عالم على كراسي اعتراف وشخص يلي بيعمل معتقلات وشخص يللي بيفوت عالتشات بالليل باسم عاشق الحواجب او فلينة النت او سادد المنافد الحربوق يللي بيشتغل بمؤسسة الاتصالات ويعطي جوائز وحدات يلي بيتفلسف  ويعلك زيادة وبيتشاطر حبيت ضارب على صفحات  واعطيكن هل مجموعة اسمها تضرب شو كريك تراتروري يللي بيمكنكن اخوتي المواطنين من ترييح اصابعكن من الضغط على اسم مدونات
وتنقلكم من   صفحة لصفحة . ت...م توفير اللينك من صديقنا ابو حميد الملقب بترارتوكاسح الحواجز. نرحب باقتراحاتكم وارائكم حول الخبث العنكبوتي

http://www.tratro.com/browse_groups.php

عزيزي المواطن تم تغير لون الحائط لاحمر بمناسبت احتفلات فلانطين

أخي المواطن،عفواً،اخي الاستاز. لانو بما انك مواطن عربي فالاستزة جوَك و ترتيبك وبتعمل حالك بتفهم بكلشي من تاريخ اللاهوت و الاديان لأنواع ملاقط الغسيل الخشب و البلاستيك.. يعني ازا بتشوف واحد بدو يسافر بتنصحو ساعتين كأنك ابن بطوطة مع انو بحياتك مو رايح لابعد من سبينة، وازا بدو يروح عالعسكرية بتعد بتبيض علي مراجل للصبح من ...قصص الهريبة و التفييش، لك حتى بنظام الجامعات بتفهم مع انو ما معك سرتفيكا..لك عيني ما تضرك شو استاز

الجملة الوحيدة يللي بتستاهل تسمعها بالعالم هي لما كنت بعمرك، لانو كل ما تسمعها بتعرف انو عندك محاضرة ممطوطة،واكيد رح تسمع بعدها عبارات متل : كنت اسرع من غادة شعاع، كنت امشي عحبال الغسيل بالبتيناج، كنت اذكى من فيثاغورث،كنت رئيس الحركة الطلابية،ماكان الشباب هيك اشكالهن،الاغاني كانت عميقة.مع انو على عصرو الذهبي صارت النكسه وكانو يلبسو شرلسطون وعندهن غنية بتقول غزالة تطلع بجبال اي ايييئ غزالة تنزل وديان اي ايييئ

هل ارتويتَ بتعذيبي وهجراني ؟
ماذا أقول وقد مزّقتَ عنوانـي !

ألا ترى كيف هذا الوجد حيّرنـي ؟
وسار بي نحو حكاياتي وأشجاني

لم أغفو يومــا فكلّي فيك ملحمــة
وإذا غفوتُ فــأنت الحلم والجـاني

أنت الربيع إذا مــا الورد عانقنــا
وشدني في عشقه تفــاح هيمــان

بين العيون رأيت الموج يخطفني
ويسرق الدمع من عيني وينساني

بربك يا ????? هل عز وصلنــا ؟
وهذا الغرام تخطّى كل وجدانـــي

الحب عهد ورب العرش باركه
يعمّر النــاس فيــه ركنه الحــاني

عهدت عهدي فمــا بــال ملهمتي
تضيّـع الـعمر فـي بعد وحرمــان

وأشعلَت من جفـــاها كل خــاطرة
وسيّرت فــي بحرهــا كل سفّــان

ونـــاشدت كل نجم كان يصحبنــا
حتى غدا الليل للعشــاق بستـــان

قالــوا بكيت َ من الغرام فقلت لا ..
بكـى الغرام على الشجـى فبكـاني

قالوا : غرقت َ ولم تعد سفانها
فقلت : بحــري غُرة المرجـــان

مضى الشباب وكنت فيه هائمــا
بسحـــابة الأشــواق كالبركـــان

والليــل من حولــي ألوذ بعشّـــه
وأسكــر الأفكــار من حرمــــــان

وأجمــع آهــات الــفراق أبثهــــا
عتبــا وويلــي إن نسيت هوانــي

لــم أدري أني بــالسراب معلّقــا
حتــى كتبـت لـواعجي وبــيانـي

فتـــارة اشكــو وأخــرى أنثنـــي
وتــــارة أرســـو مــع الـــخذلان

وهكذا لــعب الــكذوب بمهجتــي
وبــالغت فــي ذكـره الأحـــــزان

تلك الــلآليء لــم تعــد برّاقــــــة
ولــم يعد خليلــي صادق الوجدان

ولـــــم تعد تلك الــنجوم قوافيـــا
والــقلب أضنته الوعود عوانــــي

تلك الـعيون قـد سقتني سحرهـــا
وبــارزت بسيوفهــــا الفرســــان

خمسيـن مـن الأعوام تصحبنــــي
بهــا اكتويــت ومــا زلت بأحزاني

لا .. لــن يعــود الــعمر ثانيــــــة
وإن وضعــوا للــمظلوم ميــــزان

جــاء الـخريف فلـم يبقى بـه أمل
وضــارب السوط وقّــادا بـعدوان

يا زارع الورد دعه كي يموت أسى
لا تغرق الماء في أعماق وديــاني

دعه يموت فـإن الموت يسعدنــي
لو كان بالموت أصحابي وخلانـي

دع الـعيون .. لا تسعى بموقدهــا
فكم غزت .. صناديدا وشجعــان

فكم أراقت بأماقي العيون مدامعها
وكم من وفيّ جاء يبكيني وينعاني

هيا بنا يـا قلب فلم تعجز بنـا قدم
لــنبذر الأرض رمانـــا وريحـــان

دع الـطيور على الأشجار تشجينـا
وخلّ الــخراب للغربــان مـــــيدان

فإن شدوت ُ وإن عادت سأحرقهـا
وقد امتطت في هواك اليوم شيطاني

يـا زارع الورد هل غنّيت ألحاني ؟
وهل سقيت شجيراتي وريحــاني ؟

ذاب الـفؤاد فلـم يبقــى بــه نبض
وزارع الـحب يحيى بين أركــاني

تلك البُنيّـة مــا كـــانت لتُغرقنـــي
بـالحب لولا حبيس الصدر أرداني

مرّت علــى دربي كالجلاد قـاصدة
ذُبول عمــري بــلا سيف وميــدان

صواعق الغدر مرّت في مرابعنــا
وزاد في التّرحال آلامي وحرمـان

هــل تذكرين حكايـــاتي أرددهــا ؟
على مسمع الطير والأطيار ترعاني ؟

مضيت أبحث عن قلب خسرت بـه
شبابي وآلامي وقد كانت بعنواني

صدقتهــا وقد كــانت تخــــادعنـي
بين المباسم كان الأسر عنـوانــي

آنستـي .. ذريني بآهاتي أرى قدري
هل تكتوي الروح في شيبي وترعاني

قالوا: دع الحب .. قلت الحب يعرفني
كشاعل النور في الظلماء ربّــــاني

لم يبقى فـي العمر ما أرجوه من أمل
غيـر التــي أوقدت بالــهجر نيراني

وهــاهي اليوم ذكرى لم تعد أسفــا
فالعمر ولى وحكايتي اليوم حرماتي

ذكراك فــي قلبي وفي قلمي ألمـــا
يــا بهجة لم تداوي جرحي القاني

بدي قول تضرب شو كريك لكل سائق مركبة عندو تحفة مزينة باجمل العبارات من ادب عصر الانحطاط ومفلت الاشطمان تبع محروسة وليد او دلوعة فهد على الطبيعة الام ونازل تبخيش بطبقة الاوزون وبالمجاري التنفسية للاخوة المواطنين، كأنو عميعمل محاكاة للاحتباس الحراري ولما تقلو ما تصلح الاشطمان بيقلك بعد اطلاق سحابة من الحمرا الطويلة مافي عملة مع انو صارف مليون ليرة حق مرايا واضوية وشحاطات خرز.. اي لعما ضرب حنكك شو مأنشح وظربان

الشعب العربي عندو ولع بالسجع وماخف عالسمع،وبيحب يعمل قافية لكل شي،يعني مافي يقللك الباب يفتح من عند السائق،لاااء انا الباب تركني بحالي بفتح وبسكر لحالي،وعند السمان الدين ممنوع والعتب مرفوع والرز منقوع والباب مصروع،لأنو عبارة نعتذر عن الدين ركيكة ومالها طعمة،ووضع الحزام امان ونظام.وحجامبرورا وسعيا مشكورا وصحنا مكسورا،فأجيبوني يا احفاد الاصمعي معي حق ام ما معي!

بياعين البحصة ولسبب غريب بيعتقدو انك جاية من عطارد،يعني لما تشتري ديفيدي بيقلك بـ 100 ليرة،ولما تسألو ليش غالي بيقلك معلم هادا نادر،يعني بتحس حالك عمتاخد صورة التقاطع تبع بسكوت الكابتن ماجد او سلطة يورانيوم،او بيقلك معلم هادا نسخة اصليةحتى انو احدهم طلب 500 ليرة حق ديفيدي من ابوحميد،ولما سألو ليش قللو بصوت واطي:هادا بن...سخو من عالهارد!!! عنجد بدها 500،انو يحرئ ديبك شو نس، كيف قدرت تنسخ من الهارد؟ خطيررررررررررررر

اي تضرب شو انك كريك

على عكس جميع العصائر والمشروبات المجففة عصير عمار بس بدو مي، يعني النيدو مسلان بدو مي وحمض الخل ونص معلقة بكنج بودر والسكويز بدو مي وهيطلية وجوزة الطيب عين جرادة وسن فارة وقطعة من لفة الولي صبحي المدفون بقمة ايفيريست، وكذلك الميلو والنسكافيه 3 بواحد والسحلب وغيرها .. اما شراب عمار !! بس بدووو مييي .. عنجد اختراع ظاهرة خارقة لقوانين الطبيعة.. بهني حالي وبهنيكن فيه

بحب قول تضرب شو كريك لكل ابو بريص بيغير لهجتو وبيلوق حنكو مشان يبث الرعب بنفوس المواطنين الابرياء، وبيفكر حالو بهالحركة صار مرعب اكتر من لوبو و الميني فو و فتيشة البطريق والبيف باف ، مع انو هوه اكتر شي بيطلع بيشبه الببغاء المفلوج. وبيعشق استخدام عبارة عريف حالك مع مين عمتحكي،اي حاكاك شي حمة بركانية تسدلك هالنيع شو حية وعظاءة ... وقرد

الجاجة اكتر مخلوق متمسح بالعالم.والدليل الحسي على ذلك هوه ضحكها الدائم.. يعني ازا بتشتري علبة بيض بتشوف عليها جاجة عمتضحك مع انو سارقيلها جثامين اطفالها، وازا بتمرق من قدام اي شركة او محل فراريج بتشوف عالقارمة تبعو وعالكياس جاجة عمتضحك رغم المجازر الجماعية يللي عميرتكبها المحل بحق بني جلدتها، وممكن تكون عمتغمزك ورافعة الابهام بوشك دليل على نجاح مهمتها.. عنجد تضرب هالجاجة شو انها عديمة الاحساس والفهم