تراترو – شبكتك الإجتماعية

ابوس راسك يا زمن

نشر: 25/02/2011 - تعليق/تعليقات 14 [ تعليق ] - [ ] - 2 التصويتات

أبوس رآسِك يا زِمن
ما عاد فيني للجراح

خلاص كافي أسى
أبوس راسِك يا زِمن

يا مكثر ذنوبك معي
ما كل ذنبٍ لك يُباح

إن هو زعلت وش تستفيد
وش مكسبك من ذا الحزن

يلا استسلمي يا عزّتي
لا صارت أيامي سلاح
و كان نَفسي أسعدك
بس الليالي طوّلن

انا اشعاري دنياي الصبر
وأشعار الدنيا الكفاح

لاقلت يوم وتستوي
مرت سنين ومستون

رغم هذا ماسلم
أسمح ولا ألقى سماح
كلن يمنّ بجيته
حتى الدمع لآجا يمنّ
أنا حاولت أداري شمعتي
بس المصيبه في الرّياح
لا هي باللي نوّرن
ولا هن باللي انطفن
انااخترت م الدنيا ثلاث
السّتر و انصاف و الصلاح
و كرهت في الدنيا ثلاث
لا ولا يمكن ولن
و حبّيت في الدنيا ثلاث
الحلم وأمي و الصباح
و حلفت لا ما أخون الثلاث
إنتي و جاري والوطن

تضرب شو كريك 29

نشر: 24/02/2011 - تعليق/تعليقات 13 [ تعليق ] - [ ] - 1 التصويتات

مداخلة اليوم كريكة من حلب
اخي المواطن،بعرف انو هالحكي ما رح يعجبك بس بدي بق هالبحصة بق
الكريك الفصعون يلي مابيلحق تفقس البيضة عنو ويصير بعمر المراهقة
بيصير شغلتو وعملتو يدور على بنت الجيران وعلى حب ... حبك برص نشاء الله
وبتلاقي هل الشلاليف الصغار عم ينطوطو بشوارع با الجنز ابو سكجة
وصباط علاء الدين المبوز الطنبوري لك تضرب شو كريك انت واتباعك بكمون
يلي مستولين على الشعلان والحمرة الغساني واعدين بيبحبشو عن حب
بحب قلك حبيبي انو الحب مابيجي غير فركشة على شي مطب مفاجئ
وبيزتك شي 20 او 30 متر لقدام متل واحد اكلو نترة كهربا حسب الامبير المكياج تبع المخلوقة
بقا لا دور ولا تعزب حالك لانو اخرتك رح تغني
نسواان ورى نسوان,,, كتمين على قلبنا

حمكه وقلوها زمان,,,دول فقر دول عدننا

لااازم أقوم بالليل,,,أخنقها وأخلص بقا

دي موريانا الويل,,, ماكفايا ظلم وشقا

دا حلمنا ,, طول عمرنا,, ياخذهم ربنا ربنا

قبل لما أخطبها انا وأكتب,,,دا كلامي دا كان مسموع

دلوأت الحال اتشقلب,,,كسرالي ســـت ضلووع

ياارب تاكل اكله بايت بها ثعبان,,,او حتى حتة لحمه مليانه سم فيران

دا حلمنا,,, طول عمرنا,,ياخذهم ربنا ربنا ربنا

اول ماشفتها عنيه,,,جسمها كان غصن لبان

عدة سنتين وشويه,,,كرشها مترين قدااام

دي بتفطر فدان لحمه,,,وحليت محشي باذنجان

عرضها بقى سته فسته,,,جنبها مش عارف أنااام

تضرب شو كريك 28

نشر: 24/02/2011 - تعليق/تعليقات 9 [ تعليق ] - [ ] - 1 التصويتات

بما انو اليوم الخميس والسهرة طويلة فا لحقو كريكات لقلكون

" بللي شعرك بالماء(ياء المؤنثة المخاطبة بتزت الجنس الخشن بالزبالة)،ضعي كمية كافية من الشامبو،افركيه،اغسليه ثم اشطفيه" يعني انتة بالعادة بتشتري الشامبو لتشربو او تستعملو وقود احفوري او صلصة بشاميل.بس بفضل التعليمات الرهيبة عالشامبو صرنا منعرف انو مخصص للاستحمام. عنجد بتشكر شركات الشامبو عالتعليمات الهامة وكمان شركات الجل تبع ضع الجل على شعرك وبطالب شركة سليب كومفورت تنزلنا تعليمات استخدام الفرشة لاني لهلق عمنام على الارض وماعم اعرف استحدم الفرشة

تضرب شو كريك 27

نشر: 24/02/2011 - تعليق/تعليقات 14 [ تعليق ] - [ ] - 2 التصويتات

ازا حلمك بالحياة تحصل على الخلود فلا تعزب حالك وتصير كاتب مشهور متل شكسبير ولاتفوت بعتت الرياضيات متل تالس ولا تحمل روحك عكفك بساحات الوغى وتقتل المحتلين بالشنتيانة وقصاصة الاضافر متل ابوشهاب.. بيكفي تصير مقدم برامج بالتلفزيون السوري وانا بضمنلك تضل عمتنط عالشاشة الى الابد. وازا مالك مصدق فتاح عالفضائية وشوف طرائف من العالم بنفس المقدم ونفس النغمة.. فتفرج يارعاك الله

تضرب شو كريك 26

نشر: 24/02/2011 - تعليق/تعليقات 13 [ تعليق ] - [ ] - 1 التصويتات

لقد تم تغيير لون الحائط حسب مايجري في الساحة العربية

.........................................................................................

اذا فقت الصبح مخبص وحبيت تعمل فطور خفيف من الجبنة البلدية، بعد ما تغلي

الجبنة-وبما انك ما بتحب الملح - بتغسل الجبنة بمية الحنفية منيح حتى يروح اللون الابيض تبع مية الجبنة..بس لما تغسلها شي 30 مرة وتضل المي يللي عمتنزل من الجبنة بيضا مو شفافة لازم تستنتج انو العطل مو بالجبنة وانو المؤسسة العامة لمياه الشرب حاطا كلور بالمي مشان هيك لونها ابيض.. لعما شو كريك

تضرب شو كريك 25

نشر: 22/02/2011 - تعليق/تعليقات 23 [ تعليق ] - [ ] - 1 التصويتات

بما انو الادارة ماعم توافق على نشر

تضرب شو كريك 25

رح تكون تعليق هل مرة

تضرب شو كريك 24

نشر: 20/02/2011 - تعليق/تعليقات 15 [ تعليق ] - [ ] - 0 التصويتات

في كريك خطير هوه الكريك السينمائي العرار.هادا المخلوق بيفوت عالسينما ومفكر حالو رايح عالسفر برلك، فبيفوت معو كيسين بوشار وكيلو شيبس بيضل عميهرش فيهن بادنك طول الفلم ولما يطقطق حلقو من الملح بيفتح علبة من علبتين البيبسي وبيعبيها بكاسة التلج وبيبلش يعق بادنك كمان وبيحسسك بالصوت السراوندر، ولو كان في بياع روس ومقادم وسودة... وفول نابت وتماري وبالوظة ما كان بيتوانى عن ادخالهن للصالة لانو متابعة الفلم نشاط مجهدكتير. وتعى ملص

تضرب شو كريك جرد الشهري

نشر: 20/02/2011 - تعليق/تعليقات 14 [ تعليق ] - [ ] - 0 التصويتات

نعتذر عن انقطاع بث الكريكات اليومية

لاسباب امنية

والجرد الشهري

اليكم النتائج

احصائيات كريكية في الذكرى الشهرية : 543 كريك ، أكتر من: 30 مدونة مني و 120 تعليق منكن ، 73 لايك و ، 5000 زيارة للصفحة و 20 مغادرة هرباً من سئالتي . البعض ابتسم، البعض ضحك حتى على بياخاتي وضحك غيرو، البعض امتعض وانننن طمز. البعض انتقد بمحبة والبعض هاجم بعنف. وكلكن شكلتو فضاء رحب للتواصل والسخرية الهادفة وعديمة الهدف .. يللا بيكفي بلشت حس حالي بمهرجان سينما .. شكرا الكن وكل شهر وانتو بخير

TALEB

تضرب شو كريك 23

نشر: 16/02/2011 - تعليق/تعليقات 14 [ تعليق ] - [ ] - 1 التصويتات

اخبار اليوم : الصومال تعلن تخليها عن ترسانتها النووية على الشريط الحدودي مع المكسيك ،اجتماع احبة تراترو بمنطقة بدمشق تسما قدسيا, الرئيس الامريكي باراك اوباما يكشف النقاب عن علاقته السرية بكلينتون ( هيلاري مو بل !! ) ،ميسي يعتزل اللعب و يتجه للاعمال الخيرية ، جاد شويري يصور كليب ديني و يحترف الانشاد محلياً : انتهاء الاعمال بنفق كفرسوسة بعد تدخل مفاجئ من الحركة ...التطوعية للكريكات ... يجدر بالذكر ان الاخبار المحلية ملفقة بسبب صانع الكريك نعسان وتعبان كتير اليوم
مشااااااااااان هيك لا مزيد ودمتم كريكات سالمين

تضرب شو كريك هبي فلانطاين

نشر: 14/02/2011 - تعليق/تعليقات 15 [ تعليق ] - [ ] - 1 التصويتات

بدك تعرف اديش رفيقتك بتحبك او بدك تعرفي اديش خطيبك بحبك؟لك لا مو من الكلام يللي بيسمعك ياه،ولا من الهدايا يللي بتجبلك ياها.ازا بدك تعرف مقدار التوافق مع الشريك مالك غير العدادات الرهيبة يللي بتطلع عقناة الرمح مدري السهم.صحيح رح تخسر 25 ليرة بس بتعرف وين رايح.وازا طلع التوافق معك قليل معناتا غير بكتابة اسمك واسما،وازا ض...ل قليل غير القناة.وازا ضل قليل مالك غير تدبحا لانها عمتخونك، فعداد التوافق مع الشريك لا يكذب يا شريك

ووووووووووووووووووووووووووووووووووهبي فلانطين يا شرررررررررريك

تضرب شو كريك22

نشر: 13/02/2011 - تعليق/تعليقات 8 [ تعليق ] - [ ] - 0 التصويتات

مشان الله اذا حدا منكن بيشتغل بنوكيا، او الو قريب بيشتغل بنوكيا يحاول يقنع القائمين عهالشركة انو رنة الموبايلات تبعن والتي تقول اي اي اي ايي اي اي اي ايي اي اي اي ايييئئئئ ، مالها تحفة فنية ولا رائعة من روائع الموسيقى العالمية،يعني باحسن الاحوال هيي بتشبه صوت زقزقة باب بيت ستي. بقى حاج يجيبو فرق سمفونية وينفخو فيها الرو...ح كل ما نزلو موبايل جديد لانو هالنغمة عصية على التحسين ولو عزفها عبدالهادي بقدونس بزاتو..يرحمونا بقا

تضرب شو كريك 21

نشر: 13/02/2011 - تعليق/تعليقات 12 [ تعليق ] - [ ] - 0 التصويتات

تضرب شو كريك
اخي المواطن العربي.بعرف انك مارح تسدقني لانو الشغلة صعب شوي تتصدق..بس والله العظيم والله العظيم السائح الاجنبي انسان الو ايدين ورجلين وانياب ومخالب.يمكن الفرق الوحيد بينك وبينو لون شعرو و انو بيموت ازا اكل فتة مقادم.بقا مافي داعي كل ماتشوفو بالشارع تقدملو طقوس الطاعة وتنط بوشو وتقللو ويلكم ويلكم.لانو السياحة بالبلد مو متعطلة على مهاراتك اللغوية ولانو لما تروح عبلدو رح يشلحوك كنزتك وبنطلونك وووووووووووووووو؟؟؟؟؟؟ سباطك لانك عربي.اتركووووووووووو

تضرب شو كريك 20

نشر: 12/02/2011 - تعليق/تعليقات 10 [ تعليق ] - [ ] - 2 التصويتات

تراتروريات : هلق يعني يمكن شي شنتير يكون بيحب شي فنانة وحاطط صورتها بالبروفايل تبعو وبيجوز حتى بيحب يصير انثى مشانها..... مثلاً الصديقة نغم بنت زوابع من الصومال حاطا صورة باريس هيلتون .. انو انتة ممكن تلاقي فيها شوية غلط نظراً لاختلاف الجمال الافريقي عن الامريكي الخلاسي.. بس الشباب يللي بيعلقو ماشالله حولك..صورتك بتجنن ومشان الله لاتغيريها.. احلى بنت بالعالم.. هدول شو وضعن؟؟
بحب قلك انو انت اكلت مقلب كريك مرتب
5999 كريك: خمسة آلاف و تسعمائة وتسعة وتسعون كريكاً فقط لا غير بنيع كل شنتير بيدخل منتدى وهوة لازق على خلقتو صورة هيفاء وهبي
او نانسي عجرم ومساوي حالو حورية البحر
انو شومشان دكتورمهند نافخ سلكوناتي اخصائي تجميل عم يستناك مسلاً

تضرب شوكريك 19

نشر: 11/02/2011 - تعليق/تعليقات 8 [ تعليق ] - [ ] - 1 التصويتات

بعد ما الست الوالدة تستنجد فيك لتركب قنينة الغاز .و بعد ما تقلها يللا جاية شي 190 مرة . بتفوت عالمطبخ معرم . على اساس انك وحش التركيب بالبيت ، و قناني الغاز جوك و ترتيبك . و بعد معركة من الشد و الحل و الطرق بتجيب الليفة و المعجون لتفحص القنينة لانك متعلم منيح انك تستبدل عود الكبريت بالصابون عند التفتيش و تخلي شعارك انتباه.. بتفحصها بتطلع ما عمتهرب .. و انتة بتنتشي بعملك المتقن حتى تشعل الغاز و تلاقي حالك مركب الفاضية

تضرب شو كريك18

نشر: 11/02/2011 - تعليق/تعليقات 11 [ تعليق ] - [ ] - 3 التصويتات

حدد شخصيتك بلكريك يلي بيعجبك