السلام عليكم

ياجماعة الخير..من بعد أمركون عندي اقتراح ومناشدة للاخوة الأعضاء,من بعدأمركون,بالنسبة للمدونات,رحمونا شوي...مو معئول كل عضو عم ينتر خمس أو ست مدونات باليوم والليلة.....ماصارت بعمرا...الغرض والهدف من المدونة عادة"عادة=بالعادة..كما هو المعهود يعني"الفائدة أولا أو خلق جو من الفكاهة للقارئ أو انو شكاية هم أو عرض مشكلة أو أخذ رأي حول موضوع ما...طيب ماشاء الله...المدونات صارو ما يقارب ال 10000 مدونة...كرمال الله حدا يفكر بينو وبين حالو...من بين هالعدد الفلكي من المدونات أديش عدد المدونات المفيدة أو الطريفة ؟؟أو حتى وعذروني على هالكلمة"أديش عدد المدونات البعيدة عن السخافة؟؟" مو معئول...والله عم نضل أكتر من نص ساعة ونحنا عم ندور على شي مدونة مفيدة أو طريفة...يا أخي والله كلنا منعرف بالشعر,وفي ناس عندها اهتمام بالرياضة وفي ناس الها اهتمام طبي...طيب ليش ما نختار الشي الطريف والفريد والمميز؟؟؟"قال الإمام علي كرم الله وجهه ورضي عنه وعن صحابة رسول الله أجمعين:(إذا ملت القلوب فابتغوا لها طرائف الحكم)يا جماعة الخير (ومن يؤت الحكمة فقد أوتي خيرا ً كثيرا ً  ..صدق الله العظيم)فالإمام علي ماقال الحكمة...حتى في الحكمة طولبنا أن نبتغي طرائف الحكم....شو عم نستفاد من نزار قباني وشعرو الداعر؟؟؟وصف لكامل جسد المرأة بلا حياء ولا خوف ولا خشية؟؟ وين الشي الحلو بنشر هالشي؟؟

طيب ما أكثر طرائف الشعر! شعر في الفضائل وذم الرذيلة..لك حتى في أشعار فكاهيه جاهلية للفكاهة والمتعة...حتى الطب في أشياء منقدر نسردها بطريقة فكاهية

سامحوني عالإطالة...بس جدصارت مشكلة...معئول كل مرة نضوع كل هالوئت مشان نلاقي كم كلمة نستفاد منون....الله يفرج ويصلح الأحوال..سامحوني

أخوكون أبو حميد