قصة الشيخ و الكاهن و الحشاش

بقولوا في شيخ تنائر مع كاهن وتشادوا بالكلام

الشيخ بقول انو الاسلام هو الدين الحق
والكاهن بقول المسيحيه هي الدين الحق
في الاخير قال الكاهن للشيخ شو رأيك نعمل مناظرة بينا قدام اهل القريه في الساحة واذا أفحمتني أترك المسيحيه وأعتنق الإسلام وإذا أفحمتك تـترك الإسلام وتعتنق المسيحية
قال الشيخ أنا موافق
قال الكاهن معناها بعد أسبوع من اليوم نلتقي في ساحة القرية
قال الشيخ طيب اتفقنا

بعدها فكر الشيخ وقال أنا مجنون ورطت حالي مع هذا الكاهن ووقعت في الفخ اللي نصبلي ياه
صار الشيخ يروح ويجي في الطريق وهو يكلم نفسه شو يساوي - رايح جاي رايح جاي

شافه واحد حشاش جالس على جنب الطريق
قال الحشاش للشيخ
ياشيخ شو صايرلك رايح جاي عم تحاكي حالك

 وجعتلي راسي هدي وريح بالنا

قال الشيخ للحشاش اتركني بحالي انا مو فاضيلك
قال الحشاش للشيخ ياشيخ تعا احكيلي شو صاير

واذا ماقدرت ساعدك مارح ضرك وتكون فضفضت شوي عن حالك

 وبعدين ربك بحط سره بأضعف خلقه
قال الشيخ طيب والله إنك حباب

و أنا بصراحة حاسس راسي رح ينفجر اذا ماحكيت

وقلو القصه وانه الكاهن خدعه وخلاه يواعده للمناظره قدام اهل القريه
قال الحشاش لاتروح
قال الشيخ اذا ما رحت بقولو انو المسلمين ما بيعرفو يوفوا الوعود

 و ان المسلمين كذابين
قلو الحشاش طيب انا عندي حل لالك
قال الشيخ وانت شو عندك بعد يا ابو العريف عم تتفلسف وانت محشش
قال الحشاش اي بس انا ئلتلك انو الله بحط سره بأضعف خلقه
واذا اجا اليوم اللي تواعدت انت وياه فيه تعا لعندي

بروح معك للساحه بعدين بتقول للكاهن انك بـتـتـرفع عن مناظرته وأنك احضرت احد تلاميذك اللي هو أنا لمناظرته , حلو؟؟

قال الشيخ وبعدين
قال الحشاش بعدين اذا افحمني الكاهن وانا واثق انه ماراح يقدر اكون عطيتك فرصه اسبوع ثاني
قال الشيخ والله انك صادق
راح الشيخ مبسوط
وبعد كم يوم جاء الشيخ للحشاش وقال له ياالله نروح عالساحه
قال الحشاش خير شوفي بالساحة
قاله نسيت الاتفاق
قاله اسف ذكرت يلا امشي لنروح
قاله الشيخ استنى خود هي العبايه والعمامه والبسها مشان يـبان عليك انك طالب علم
قال الحشاش طيب
بعد ما مشوا باتجاه الساحه شاف الحشاش دجاجه قام ومسكها وحطها تحت العبايه وقال لحالو هذا العشاء وضمناه بعد مانخلص من قصة هذا الشيخ بدبح هالجاجه وبشويها

وبعد ماوصلوا للساحه لقوا الكاهن عم يستناهم

فقال الشيخ للكاهن انه يـتـرفع عن مناظرته وانه أحضر له احد تلاميذه
قال الكاهن طيب المناظره من ثلاث اسئله
الاول:
جاء الكاهن قدام الحشاش وشار باصبعه
رد عليه الحشاش وشار باصبعين
الثاني:
شار الكاهن باصبعه للسماء
رد عليه الحشاش وشار باصبعه للارض
الثالث:
طلع الكاهن من جيبه بيضة
رد عليه الحشاش وطلع من تحت العبائه دجاجه

قال الكاهن اشهد ان لا اله الا الله وأن محمد رسول الله

استغرب الشيخ من اللي صار

وراح للكاهن ركد وراسه سابق رجليه

 وسئله شو اللي صار
قال الكاهن ان نباغة التلميذ من معلمه وانه على الدين الحق
قال الشيخ اشرحلي شو الاسئلة والاجوبه

قال الكاهن انا سئلته السؤال الاول :
اشرت للتلميذ باصبعي على وجهه وهذ يعني : ان الله واحد
رد علي تلميذك واشرلي باصبعينه يعني : انه ماله ثاني
فسالته السؤال الثاني:
اشرت له باصبعي للسماء يعني : رفع السماء
رد علي تلميذك واشر باصبعه للارض يعني : و وضع الارض
فسالته السؤال الثالث
اخرجت له من جيبي بيضه يعني : يخلق الحي من الميت
رد علي تلميذك واخرج دجاجه يعني : ويخلق الميت من الحي

استغرب الشيخ كيف جاوب هالحشاش على هالاسئله

فراح الشيخ للحشاش وسئله اشرحلي شو الئصة

قال الحشاش ولايهمك هالكاهن
اول شي اجا الكاهن واشر لي باصبعه بدو يئلع عيني

 قمت اشرت له باصبعين وقلتله بئلع عيونك التنتين

بعدا قال الكاهن بعلقك فوق قمت رديت عليه اني بمسح فيه الارض

بعده الكاهن تعوذ من الشيطان وعزمني على بيضه رديت عليه وعزمته على دجاجه