Search:
Advanced Search
Posted: 26/9/2011 - 4 comment(s) [ Comment ] - 0 trackback(s) [ Trackback ] - 0 Votes

لغة الشباب السوريين:



حبيبتي لا تهكلي همي طلعي مع رفقاتك اليوم


(ما صرلنا يومين مرافقين بكرة بتشوفي)


أنا ما دخلني عملي اللي بدك اياه


(استرجي تعملي غير اللي قلتلك عليه)


كأنو رفيقتك سبور كتير؟!!!!


(كلا اسبوع و بمنعك تحكي معا)


حبيبتي كانو موبايلك برن كتير


(غيري رقمك قبل ما انا غيرلك ياه)


ورجيني شو نوع موبايلك هاد النوكيا الجديد؟؟


(حفليلك اللوغ رقم رقم واسم اسم)


حلو لون شعرك الجديد بس الطبيعي أحلى


(الله يكسر ايديكي على هالصبغة طالعة متل الرقاصة)


أنا متقبل انو الك علاقات سابقة هاد حقك الطبيعي


(مستحيل فكر فيكي بشكل جدي ورح ضل هتك بماضيكي)


كانو هالكنزة صغيرة عليكي


(بكسر ايديكي ازا بشوفك لابستيا مرة تانية)


ورجيني كأنو بنطلونك جديد


(يا ويلك ازا بتكوني نازلة عالسوق ومو قايلتيلي)


شفتي الشب اللي مر بالسيارة السودة هاد رفيقي اللي حكيتلك عنو


(لامر ولا شي بدي اتاكد ازا كنتي عم تبصبصي عالشباب بالسيارات)


قال رفقاتي شايفينك من كم يوم بالشعلان


(رفقاتي ما بيعرفو كيف شكلك بس بدي زلقك)


نحنا مجتمع شرقي الشب غير البنت


(أنا بعمل اللي بدي اياه وانتي بتسمعي كلمتي و بتنضبي بالبيت)


انتي ليش حاطة حواجز بيناتنا شو لسة ما وثقتي فيني؟


(تلحلحي نشفتيلي قلبي يا حـيـط)


خلينا نطلع نتمشى طائة روحي من المطاعم


(الدنيي آخر شهر و مفلس ما معي اخدك تتزهرمي)


متخانق مع اهلي مشانك وعم نام عند رفيقي


(حطي ببالك من اليوم ورايح بدك تصرفي عليي)


"إمي حستك قوية"


(امي ما طاقتك و عم تدورلي على عروس وانا ما بتنيلا كلمة)


حبيبتي حاكيني بسرعة خلص شحن موبايلي


(طالع مع ضرب جديدة عم زبطا وحاقفل موبايلي)


انا حاسس انك متغيرة و ماعم تحسي فيني متل قبل


(أنا عم خونك وعم اتحجج لنترك)


نحنا التنين متوترين خلينا نبعد عن بعض فترة نفكر فيا منيح


(أنا مليت منك وما بدي اتركك قبل ما دور على وحدة جديدة)


ديري بالك على حالك وتاكدي اني عنجد حبيتك و
مستحيل انساكي وبتمنالك كل خير

(عم طيب خاطرك بعد ما هنتك و خنتك و قلعتك)

 

Delicious Digg Facebook Fark MySpace