Search:
Advanced Search
Posted: 12/1/2012 - 2 comment(s) [ Comment ] - 0 trackback(s) [ Trackback ] - 1 Votes

 اسبوع مر ولاوصل منك مرسال** ياقو قلبك كيف تقطعني اسبوع


الجوع كافر وانت ماترحم الحال** ونا عليك من الوله ميت جوع

ياللي غيابك صعب يطري على الباب** تركتني ضايق وحاير ومفجوع

ماكني الا شايب فاقد عيال ** وماكنك الا محرم حق مشروع

يفوع لك قلبي ليا مر الاطلال** ياليت مالي قلب يشتاق يفوع

حسبي عليك شلون قطعت الامال** بموت لاصار الامل فيك مقطوع

ياصاحبي ماكل نزال رحال ** من وين مارحت متبوع 

نسياني لزول بالاعماق يختال**اصعب على صاحبك من حبة الكوع

لو الثمن في شوفتك عمر رجال** كان الثمن من يوم ماغبت مدفوع

ولو القدر ماتم قوله ليا قال** ماضاق صدر ولا انحنى راس مرفوع

ياصاحبي عشقتني فعل وخصال** واناعشقتك شعر واحساس وطبوع

وشلون تتركني كذا لشهب اللال** وقدام عيني تجف ينبوع ينبوع 

وانا عشانك جيت والغيم همال**اسيل الوديان وداحم جموع

ماردني عنك سواليف عذال** تزعل علي ربوع وتقدر ربوع

كان المهم اعيشك جنون ووصال** وتكون لي كلمه ولي راي مسموع

واليوم ضاقت بي من الجال للجال** فرقاك تقسم ظهر وتحز وتلوع

لوجيت شفت الحال ماسرك الحال** في غيبتك ضايق وحاير ومفجوع

هذا غياب اسبوع واشلون لو طال** طالبك لا يطول غيابك عن اسبوع

 

Posted: 11/1/2012 - 1 comment(s) [ Comment ] - 0 trackback(s) [ Trackback ] - 0 Votes

 

غيبتك لو هي دقيقه تعتبر صده --- الوقت عقبك سجن و غيابك سياجه 

لا تعتذرلي ترى ما عاد لي شده --- أعيد حكي - ن يكود الصدر مخراجه 

دامه يوصف بجود أبيه وبجده --- وشلون تبخل على المجروح بعلاجه 

وشلون قاواك قلبك رده و صده --- وعنه بين عليه الضعف و الحاجه 

يا قو قلبك برد يمينك ورده ---- بخلت بمصافحه و أرهيت بإحراجه 

غير الوله و الغلى عليك وش حده--- يا درب ليله ويا مسراه و سراجه 

كأنه يعرفك قبل يلقاك من مده --- مع أن ما بينك و بينه من مواجه 

هواك بدو-ن نوو للقلب بالشده --- ورياض قلبي لشوف البدو محتاجه 

و الوصل بحر متى أنت بتسمح بمده --- السيف صبري*وبحرك شح بأمواجه 

و قصيدي الي قريته و أعده --- قديم لا يزعلك معناه و إخراجه 

و فراغ قلبي غلاك أرهى على سده --- ليتك تشوف الغلا و أبراجه و عاجه 

أقوى رياح العذل ما تقدر تهده --- ولا الجفا لو تنفس هدم أبراجه 

تغانم الوصل لأن البعد لا بده --- يأتيك في يوم ثم ياخذك بأدراجه 

الي لي أنك تلين و تترك الشده --- و الي لك أني ما سولف بك لهراجه 

لاني بزعلان و الي نرتجي مده --- يا باب قلبي و يا قفله و مزلاجه 

زعل التغلي و من تزعله من قده --- مدام كل-ن يبي دربك و منهاجه 

غالي و تبخل علي و تطول الصده --- الله يسامح غلاك و يلعن الحاجه