بعد موجة من الطلاقات العائلية ، و أخبار خلافات زوجية قادمة من العائلات المجاورة ، و دراسة أسبابها و مسبباتها ، قررت  أن أطلق زوجي ( ليش الكذب ما قررت و لا شي ، فقط إجاني عدوى فيروس الطلاقات الجماعية )
فزوجي ليس ديموقراطي مثل زوج جارتنا فتحية ( رغم أنو كنا دائما نوصفه في صباحياتنا بالشرشور ) .
 و ليس مثل زوج أختي كميلة بيمشي على رأيها ( رغم أنو كلنا نوصفه بالعيلة بحضرط لا بحل و لا بربط )
كما أنه ليس مثل زوج بنت كيس تتن نانتي يلي زوجها إشترالها سيارة آخر موديل
و رغم كل النق الصباحي و المسائي ( مرتين باليوم قبل الأكل و بعد الأكل على نصيحة بطلة العالم بالطلاقات المتكررة )ما عم يستجيب لمطالبي ببيع بيت العيلة الأثري يلي بعيشنا حقو ببحبوحة نحن و بقية الورثة ، قال شـــــــــو هو ما ببيع بيت العيلة ، هادا إلو ذكرى حلوة عنده   ( دخــــــــــيل ربـــــه )

مو هيك و بس ...لك ما بيسمعلي كلمة أبدا ... و كل ما حاججته بقلي الرجال قوامون على النساء ..ما حافظ من الدين غير دنبه ( رغم أنو حرام  بصوم و بصلي و بذكي و أخلاقه عالية يأبش قلبي)
بصراحة أنا إجتني في أحد المناسبات غمزة من واحد شكله فرنجاوي ، الله و أعلم قادر يحقق كل أحلامي ، فهمت منه أنو مستعد يشتري بأسعار مرتفعة البيت الأثري

أنا آكلة هم الأولاد بدن يتشردوا ، و قراءاتي بتقول أنهم رح يتأثروا ، و الأغلب رح ينقسموا ، شي مع أمهم و شي مع أبوهم و يمكن ينتحروا .
 مع العلم أنو إجتني معلومات مؤكدة أنو هو كتير بحبنـــــــــــــــــــــــــــــــي
أنتم بم تنصحوني
أروح مع الموجة ..و لاً كبر عقلي  ..أنا قلبي عم يميل لأن أحافظ على بيتــــــــــــــــــــــــــــــــــــــــــــــــــــــــــي
........................................................................نسمة الروح