لما يبجي الليل وتكون راحت الشمس تعتم الدنيا وبتصير سواد
مرة من زمان لما كانت تنقطع الكهربا اجا الليل وعتمت الدنيا
راحت الكهربا وما عاد في نور
اعد بغرفتي وعم فكر ليش هالدني سودا ما عايد عم شوف شي
شعلت شمعه
شعلتا وصار نورا عم يضوي كل غرفتي
مظبوط مافي احلى من نور الشمس
بس عالقليلة ما بعود بالعتمه
ما بعود عم شوف بس سواد الليل
ما كان في غيرا هالشمعه صرت خايف تخلص الشمعه تدوب ويروح نورا وارجع عيش بسواد الليل
اخدت قلم وورقة وصرت ارسم
صرت ارسم شو حس
لانه في شخص كان يقلي
الليل فيك تفجر في كل مشاعرك واحاسيسك
اديش هو اسود وغامض
واديش بصير تفكيرك يروح لبعيد
واحاسيسك تتفجر
صرت ارسم كل شي بحبه
الطبيعه اللي بحبا
البحر
ارسم الصبيه اللي بحبا
شعرا عيونا
ابتسامتا
ارسم كل شي بحبه بهالدني
والوقت عم يمرأ وضو الشمعه عم ينور غرفتي
والشمعه عم تدوب شوي شوي
وتصغر
وكل ما تدوب الشمعه وتصغر كل ما يسرعوا دقات قلبي
كل ما خاف تنطفي
صرت قول ان شا الله نام قبل ما تنطفي هالشمعه
لانه اذا انطفت وانا بعدني فايئ ما عاد فيي نام
وصار يمرأ الوقت والشمعه عم تدوب وتدوب
وبأخر لحظات لما صارت الشمعه تنطفي
بلشت خاف
رجعت الشمس وشرقت من جديد
ورجع الضو
ونور
نور الشمس نور غرفتي ورجعت حسيت بالامان
صرت فكر اديش في ناس بخافوا من الليل
مو من الليل بحد ذاته
اديش بخافو انن ما يشوفوا
بخاف من الظلام
وبعرف انه كل واحد
عايش حياة سودا
او حياة كلا عتمة
بيقدر يشعل شمعه ويعيش النور
اديش في قوة جوا انه ننور كل محيطنا وحياتنا حتى لو غابت الشمس
رح يرجع النهار
وما بحياته سواد الليل رح يخوفنا

AiHoOoMe