اديش انت حلوة بعيوني وبعيون الكل
يمكن الكل بشوف جمالك
بس انا بحس بجمال قلبك وروحك
بغار من النحات اللي بحارتنا
شفته حاطط صخر كبير  وعم ينحت
سألته شو عم تنحت؟؟
قلي : عم انحت شكل حلو
قلتله كيف هو هالشكل
قلي : ما بدي كذب عليك مافي شكل هندسي معين
على اد ما بحس بالجمال رح انحت
وهيك لازم كل واحد ينحت
جرب انحت
جرب تطلع كل الاشيا الحلوة وتنفذا على هالصخرة
اديش انبسطت بهالكلام
واديش قلت هالجمال اللي منشوفو بعيونا ممكن  يكون كتير حلو
بس اللي ممكن  منحس فيه ومنشعر في  هو احلى بكتير
يمكن هيك لازم حياتنا الحلوة ننحتا
بلا ما نطلع فيا ونشوف شكلا
لازم نحس فيا اديش حلوة
لنجملا بقلوبنا ونخليا تصير احلى
كل واحد منا نحات
كل واحد منا رسام
كل واحد منا شعر ومغني
كل واحد منا فنان بيقدر يخلي الدني حلوة
بس اذا بخلي قلبه هو اللي يدله
قلبه يحس بالحلو
مو عيونه
شو بحبك بحب روحك
بحب جمالك
شو بحب حياتي معك
بوعدك كون هالفنان
بوعدك انحت هالحياة واعملك ياها قصر
عيشي في بمملكه مليانة ورود
عصافير غرام
بوعدك تبقى كل الكلمات الحلوة
حرف ورا حرف
حتى اخترع لغة جديده لحبك فيا
رح اكتبلك وارسملك عالورق وعالصخر وعالغيوم
واكتبلك اني
بحبك
بحبك
ورح ضل حبك
 

AiHoOoMe