بيوم من الايام
لما كنت عم امشي على شط البحر
مكسور
الدني سودا بوجهي
اليوم فشلت
خسرت اللي بحبا
راحت
اعدت على صخرة صغيرة
صرت راقب البحر
اديش كبير صامت ما بيحكي
اديش بيحمل اسرار
انا وعم اتطلع
لفتلي نظري صبي صغير عم يلعب بالرمل
عم يجمع الرمل ويعمل قصر
فرحته كانت كبيرة  شفته اديش كان مبسوط
اتزكرت انا وصغير شو كنت العب وانبسط
وانا عم راقب فرحة الولد
اجت موجه كبيرة طلعت عالشط وخربت القصر
صار الولد يبكي ويصرخ ودموعه تنزل عخدوده
ركدت امه وصارت تراضي وتقله
بكره بترجع بتعمر قصر احلى من الاول
للحظة حسيت دموعي رح تنزل
حتى الصغار بيزعلو اذا خسروا اللي بحبون
قصري انا  اليوم اتهدم
مين كان مفروض يجي يقلي ما تزعل
بكرة بتعمر غيره
ما حدا
انا
لازم كل واحد يكون عنده القوة
يوقف
ينسى الزعل
يبدا بحياة جديدة
ويبدا بحب جديد