هدا الموضوع للتغيير و لنشوف كيف التلطيش عم يطور بتمنى يعجبكن

الشب لما بيكون عم يلطش بنت بيكون بحالة عاطفية منيحة و سماع الأغنية يلي عم ياطش فيها الأخ طبعا اختيار الأغنية حسب الحالة فمثلا صدمة عاطفية هاني شاكر مطرب العلاقات و أغنية ((غلطة)) عشق وغرام وحب وهيام تامر حسني ((الله يباركلي فيك)) أما إذا القصة فرفشة وتلطيش بالجملة ما إلهون غير فارس كرم واغنية ((ختيار عالعكازة )) وعندك جماعة العين بصيرة و الإيد قصيرة وهن الأغلبية يلي كاسحين السوق كسح هدول بيمشو و بيوقفو وهنّ عم يغمزوا ويلطشو من أهم أقوالهن المأثورة (على رمشي السابو بيمشي ) و(ولي على بعضي اول مرة بشوف قمر ماشي عالأرض و الله حقك ترفسي القمر وتلفي رجل على رجل ) وفي شباب التلطيش عندون هواية لا أكتر ولا أقل فهدول ما بيقصدو مكان تجمع الصباية وما بيفكروا يلحقو اي بنت أساسا و إذا صادفتهن وحدة قامو بوجبهن على أكمل وجه مثلا واحد واقف على باب محلو بتمر من اقدامو بنت لابسة ومترتبة ما بيقصر وبيطلع على جارو وبيقلو ((شو جار رخصان الحم ولا غليان القماش )) و إذا مرت من اقدامو بنت محجبة بيقلها ((عازمك على الحج وإذا فقس مننزل عالمسبح ))أما إذا كانت لابسة برمودا فبيقلا (لك تقبري قلبي شو جلية تشطفيلنلا المدخل ) وغذا مرت من قدامو مجموعة من البنات الأمورات فبيقول ((الله لا يفرق بيناتكم تتجوزوني إنتو الأربعة والله الشرع ما بيقول شي ))في عنا مجموعة الملطشين يلي بيخترعوا جمل وعبارات للتلطيش عباروتن ما فيا غزل بنوب و بيخترعوها من باب الغلاظة وليضحكو الشباب يلي معون حتى ينالو لقب((ياي شو مهضوم )) مثلا (شو رأيك تتجوزيني ؟عندي مسكليت "دراجة " بكتبلك الدواسات مقدم و الدواليب مأخر ) و إذا شاف بنت ماشية و مستعجلة بوقف بوشها و بقلها "يا آنسة يآنسة ما عرفتيني أنا فارس فارس أحلامك" و لما تكون شي وحدة حاطة نضارة شمسية و الشمس مو كتير ضاربة فبلطشها و بقلها "افتحلك علبة شمس" و إذا كان معها ولد صغير بقلها "هاتي الولد من ايدك أحسن ما آخدوا بالمحاكم ها"و إذا كانت عم تتصل تلفون عمومي بالطريق بقرب بغلاظة وبقلها"إذا حدا دقلي قليلولو مالي هون" في تلطيشبسموه البنات تلطيش تعجيزي متل بكون ماشي ينتين سوا بيجي واحد بقلهن "أحلى وحدة فيكن اللي ماشية بالنص"و بتركن صافنين و عم يفكروا فيما يلي نورد إليكم بعض المصطلحات بالتلطيش

شلخة :جميلة جدا

شقفة : جميلة لكنها أقل درجة من الشلخة

باربي: الجمال المرتبط بالرشاقة

وازنة:فتاة راقية جدا

بنت خاروف: ثرية قابلة للاستغلال المادي

خورفها:استغلها و مشي الحال

أخيرا من كل قلبنا و لكل مين لطش و عم يلطش بنقول: حاجة

غلاظةاستحوا بقا شو ما عاد في ناموس بالبلد

الرجاء عدم التحسس و الزعل لأنو من باب المزاح فتقبلوها لأنها واقهنا في المجتمع...........................و شكرا