قوانين الطبيعة

قانون الاصطفاف

إذا أنت كنت صافف في طابور بطيء وغيرته

فجأة بيصير الطابور اللي تركته بيصير يمشي أسرع من اللي أنت فيه

قانون التلفون

دائما اذا اتصلت  على رقم غلط مستحيل يطلع مشغول

قانون التصليح

إذا كنت عم تشتغل وايديك مليانه زيت وشحم .. تأكد إن انفك رح يحكك

قانون الأعذار

إذا تأخرت عن الدوام وكذبت على مديرك أنو بنشرت سيارتك ،تأكد إنو بكرا رح تبنشر عن جد

قانون المغطس

إذا بديت تتوضا .. تأكد ميه بالميه إن جوالك بيبدأ يرررن وما بيسكت

قانون الالكترونيات

إذا أخذت جهاز عند مصلح وبتحكيله انه ما بيشتغل .. لحظتها بيشتغل ولا كأن أي شي صار

قانون الشاي

أول ما بتعمل لحالك كاس شاي بالشغل .. تأكد إنو مديرك رح يجي ويعطيك شغله ما بتخلص إلا لما يبرد الشاي

قانون المصادفات

إذا كنت ماشي وما بدك حدا يشوفك .. فجأة كل اللي بتعرفهم بيطلعوا بوجهك

وهكذا الحياة تسير ....