كتير سألوني شو هو الحب؟؟

ليش في حب ؟؟

بليله كنت معزوم فيا بأحد المطاعم

ويوما كنت محتار اذا روح ولا لا

وحتى كان في شغلات تمنعني

ورغم كل شي قررت روح

المشوار كان بعيد وبعد اكتر من ساعتين سواقه

وصلت انا والاصحاب الي كانوا معي

دخلنا المطعم .... يمكن كان في اكتر من 1500 شخص

دلني المتر على الطاولة ورحت وانا عم اعد ..جمدت..

جمدت كلي سوا لاني .... شفت عيون

عيون شلت كل جسمي

وقف الزمن لعشر ثواني عيوني بعيونا وعيونا بعيوني

اعدت ..

ما بعرف شو حسيت شو صرلي

قلت يمكن... لا مو يمكن

وبلشت السهرة وكل ما تمرأ من ادامي شمال ويمين قلبي يروح معا شمال ويمين وعيوني ما تفارئا

قلت لازم اسأل عنا

لازم اعرف مين هي

وقبل ما اسأل وصلت مدام عم تسلم عالاصدقاء الموجودين بالسهرة

سلمت عليي وقالتلي  : رح عرفك على بنتي

بنتا!!!!

معئول الصدفه !!!!

ما كنت عارف كيف بدي احكي معا

كيف الطريقة؟؟؟

سلمت عليها

وكان تصرفي عادي

خفت

ما عرفت شو احكي؟؟؟

سلمت واعدت وهي راحت....

حسيت انه كان لازم احكي اكتر

اعزما

تعد معنا

كيف غلطت هالغلطة

صرت خايف تخلص السهرة تروح وما ارجع شوفا

ولما اجا وقت تروح

قررنا نروح ونكمل سهرتنا بمكان تاني

رحنا سهرنا

حكينا

وتواعدنا نلتقي باليوم التاني

وانا رحت عالبيت وفرحتي كبييرة

مبسووووط مغروووم  ما عارف شو بني

وصلت وجربت نام

ما قدرت

اقلب شمال اقلب يمين وكل الليل فكر فيها

وشوف صورة وجا

اديش مبسوووط اني اتعرفت عليها

مرة راسي تحت المخدة ومرة فوق المخده

مو مسدق كيف يمرا الوقت بسرعه وتطلع الشمس وروح شوفا

خلص الليل وطلعت الشمس

لبست تيابي بسرعه ورحت لشوفا اخد معي وردة حمرا

عطيتا الوردة.... ابتسمت

شفت عيونا ... ضحكتا

شفت حالي اديش بحبا ومغروووم فيا

وبرجع بسأل حالي

شو هو الحب ؟؟؟؟

هيدا شو ؟؟؟

مو حب؟؟

اللي ما بخليك تنام اللي وبحسسك انك عايش كرمال شخص حياتك اله وبتعمل كل شي كرمال تشوف هالبسمة على وجهه مو هو الحب ؟؟؟