>>>>>>>>>>>>>>>>>>>>>>>>>>>>>>>>>>>>>>>>>>>>>>

>>>>>>>>>>>>>>>>>>>>>>>>>>>>>>>>>>>>>>>>>>>>>>

>>>>>>>>>>>>>>>>>>>>>>>>>>>>>>>>>>>>>>>>>>>>>>

أولاً: قانون : يحرئ حريشك ...

منذ فترة وأنا أحاول أن أفهم ما هو (الحريش)؟!!

ومع تجاوز الايام والشهور مازال رأسي يدور في حلقات مفرغة ولا يصل إلى معنى (الحريش)))!!!

ولأني كائنٌ مثلي مثلكم يا إخوان ذهبتُ إلى العم غووغل

كونه المرجع الرسمي لعمليات البحث ورغم أني حاولت البحث عن كلمة (حريش) في غووغل 

إلا أن غووغل نفسه كأضخم محركات البحث لم يفهم ما هو (الحريش) وأصيب بانهيار ونكسة

 وهذا سبب عدم فتح الصفحة عند الكثير منكم

إذ أصابته ساعة بلادة بسبب (الحريش)

 إلا أن بعد البحث الطويل وجدت موقعاً يقول:

إن الحريش هو حيوان أم أربع وأربعين

 (لاحظ الغباء)))
وما شأني أنا وهذا الحيوان حتى يقول لي الناس: يحرئ حريشك......
(يحرئ حريشك يا غووغل شو بتحب المزح)!!
* بعد ذلك سألت العربان يمنة ويسرة ولم يعرف أحد ما هو هذا (الحريش)
أخبث أصدقائي قال: إن خالته قالت: إن الحريش هو الحشيش

(((( هداك الوقت حبيتا لخالتو كتير لذكاءها الفارط ))))))!!
تساءلت كم مرّة ذهب إلى زيارة بيت خالته طالما يحبها كثيراً!!؟
* حسناً.. ربما الحريش هو شيء سيء أيضاً فالاحتمالات واردة.. فقبل فترة كانت قوات الأمن تقتاد ابن جاري (أبو وشة) إلى مكان مجهول بتهمة (التلطيشات الحريشية)، وعندما سألت أحد الضباط ماذا سيفعلون بالرجل

 قال لي: سنحرق حريشه!!!
* لكن مهلاً.. ربما الحريش هو شيء جيد ونحن لا ندري
* ربما لو كان الأصمعي بل ربما الجاحظ علم بأن قوماً في آخر الزمان سيخرجون

ويتبادلون حرق الحريش لكتب أحدهم معلقة عن (الحريش).
* أخيراً اكتشفتُ أن (الثقافة الحريشية) هي التي تحكمنا:

فالصديق يحرق حريش صديقه

والزوجة تحرق حريش زوجها

والقاعدة تحرق حريش الطلاب

وهيفا وأخواتها تحرق حريش الشباب

وميلودي تحرق حريش المشاهدين

ومش حتقدر تغمض عينيك (على أساس حدا قادر يغمض عينيه هالأيام)).
ثم في النهاية يحرئ حريشك ...  وكل واحد يضب حريشه أحسن ما حدا يحرقو..
يحرئ حريش هالحالة ...  قولولي شو يعني (يحرق حريشك)   ؟؟؟)..

ثانياً : قانون ترك التدخين ...

إن ترك التدخين عملية صعبة  تحتاج  إلى تفكير عميق وإرادة قوية وفنجان قهوة وسيجارة ...

ثالثا: قانون : مسك اليد .....

أنت ليش ما بتمسك إيدي وإحنا ماشيين بالشارع؟

جواب الصديق:

 افرضي حد من قرايبك شافنا؟ والا حد من أصحاب أخوكي في الكلية؟

... إن شاء الله يا حبيبتي بكره نتخطب.. وامسك إيديكي قدام الدنيا كلها

جواب الخطيب:

 مابدي حدا يقول.. انخطبوا وفلتوا بالشوارع...

وبعدين بصراحة أنا باستحرم... إن شاء الله بكره بنتجوز بالحلال وامسك إيدك وإنتي مرتي

جواب المتزوج حديثا:

 يا حبيبتي إحنا مش مراهقين لنمسك إيد بعضنا بالشارع.. إحنا مزوجين ومحترمين

جواب المتزوج وعنده أطفال:

 يعني امسك إيدك.. والا امسك إيد الاولاد.. والا أطالع مفتاح السيارة.. الأكياس؟

جواب المتزوج منذ 25 سنة:

 شو هالحكي امسك إيدك.. يعني بدك جوز بنتك يقول علينا كبرنا    وخرفنا!؟

رابعاً: قانون الاكتشاف :

وين رايح ؟


لا تقلي لسه في شي تاني بدك تكتشفو ؟


ليش أنت بالذات لازم تكتشفها لأمريكا ؟


فيني روح معك؟


بدك تجي عالغدا ؟


شلون بدك تروح ؟


مع مين؟


بدي توديني بطريقك


شو بدي اعمل وقت ما بتكون مو هون؟


يعني أنا ما عم أفهم منين طلعتلي بقصة أمريكا هي ؟


مالك ملاحظ أنو كترانة روحاتك هالأيام ؟


شلون بتاخد هالقرار بدون ما تقلي ؟


شو بدك تجبلي معك ؟


ايمتى بدك ترجع؟


ليش ؟


جاوبني ليش ؟


أنت دائماً بتعمل معي هيك؟


المرة الماضية عملت معي نفس الشي ...



ليش ما عم ترد علي ؟


شو قصدك ايه ؟



بدي روح لعند أمي



ما بدي ارجع ها

فكان رد الزوج طبعاً ...........

ما عاد أكتشف بطيخااااااااااااااااااااااااااااااااااااااااااااااااااااااااااااااااااااااااااااااااااااااااااااااا

خامساً: قانون الباذنجان :

أسود سواد الليل والزلف أخضر
واللمعة روغان والريحة عنبر

سادساً: قانون الحمض النووي

واللي ما يدوء العنب حامضاً عنه يقول ...

هيك بمعيتكن شوفولنا هالزلمة .... بلكي بتكشولنا ياه بالماوس لحتى يئدر يوصل للعنبات
مو مشان شي .. بس مشان يتأكد أنهن حامضات ....... لأم ما عم يصدأني ...

سابعاً: قانون النقل الداخلي ...

إليكم القصيدة التالية .....................

عاد الطويل لينقل الناسا ويزيدهم بالبسط إحساسا

سموه باص النقل إكراما لجميع من ضحى ومن آسى

من عجقة الطرقات طل الذي بهديره وحنانه آسى

ونوافذ تهتز في غبطةٍ فتقرقع الأجواء أجراسا

وتجمهر الركاب لما راو أن الوقور يطول مقياسا

وتدافعوا للباب وتعمشقو وتكوموا رزما وأكداسا

كان القعود مؤسيا حالهم بالكاد يلتقطون أنفاسا

أما القيام كمحشر واقف متخالط عمرا وأجناسا

يتمايلون فأذرع تلتوي والرأس منهم صار نوّاسا

وهنا صبي ضاع عن أمه وهنا فهيم مد أكياسا

فيه تفركش كل راكب نازل وعلى رقاب جماعةٍ داسا

والامر مختلط فلا حرج وغمز الفتاة ... وباسا  

( تبوسك حية بسبع روس إنشالله ) ( يبعتلك داء ) ( وحمَّى تنئرك )

والسائق على حفة قبره .... ختيار ومعنس ومفلاسا

والعرس لا يحلو بلا طرب فتشابك الركاب أقواسا

وتهافتوا للدبك من يا ترى منهم يمسك الراسا

النقل صار كحفلة حلوة ملأت حياة الناس أعراسا
من يوم عاد الباص من قبره راح الأسى ما أسعد الناسا ....!!!!

ثامناً : قانون : القضاء على الطنط بعشر حركات

دايئو

خبيلو الواكس تبعو

اتجاهل جمالو

رفعلوا بنطلونو السيحل

طقلو العلكة يلي بتمو

فرجيه فلم رعب

انزعلوا مكياجو

اسرئلو قلم الحمرة تبعو

خبيلو موبايلو

ئلو يا غليظ

تاسعاً: قانون الزواج ...

الزواج .. ربطة ... وعبطة .. وخبطة .. يا بتصيب .. يا بتخيب .. يا بتجيب جلطة

عاشراً: قانون مركب من عدة قوانين

( قانون المذاهب الهبلية في الجدبنة الأزلية ...)

كان فكرو يطلع بالمكرو ...... حاص لاص طلع بالباص ....

ليس كل ما يحفظه الطالب يفهمه وتأتي الاختبارات بما لا تحتويه الكتب

من طلب العلا نام الليالي ......وئال أنا مالي ..؟؟

الوقت من حشيش فأحسنلك تقضيه تطنيش.

)خليك فري وقول            ون تو ثري

إصرف المال وإنسى العيال حياتك تحلى مافي مجال.

خيرالكلام ما قل و دلة قهوة ....

يالله أنا ...... بالأذن ..... والأنف ..والحنجرة ....

حادي عشراً: قانون المساعدة :

إليكم الكومفيرزايشن التالي :

سأل رجل صديقه الذي لم يره منذ زمن بعيد :

شو آخر الاخبار؟

متل الزفت

 العمى !!

 انا تزوجت

 عظيم

 لكنها عجوز

 العمى !!

 عندها 10 مليون

 عظيم

 بس بخيله

 العمى !!

 عندها قصر فيه خمسين غرفه

- عظيم

- بس مقفوله

- العمى !!

- سكنا في القصر

- عظيم

- بس كنا ننام في الصالون

- العمى !!

- سجلت القصر باسمي

- عظيم

- بس القصر احترق

- العمى !!

- العجوز احترقت فيه

- عظيم

- المصاري احترقت معاها

- العمى !!

- بس القصر مؤمن عليه

- عظيم

- التامين اكتشفوا أنو محروق كمان  

- العمى !!

- بس ما لقوا دليل

- عظيم

- لكن ماحصلت على تعويض

- العمى !!

- وانا مبسوط

- عظيم

- بس مفلس

- العمى !!

- وبدي مساعده

- العمى !!

- معك شي كم ألف ليرة

- العمى !! العمى !! العمى !! العمى !!

ثاني عشراً: قانون الأخلاق :

إنما الأمم الأخلاق ما بقيت .. فان هم ذهبت أخلاقهم    مالي دخل

ثالث عشراً: قانون الامتحان :::

في قاعة الامتحان

المعلم لتلميذه : من غشنا فليس منا ...
التلميذ لمعلمه : من راقب الناس مات هما...

رابع عشراً: قانون  الأحول ...

ما أعظم أن يكون لدى الإنسان وجهتا نظر بآآآآن واحد ؟؟

خامس عشراً : قانون العمل :

العمل شيء مقدس، لذلك لا تقترب منه أبداً .....

سادس عشراً : قانون فتاح عينك منيح

دموع النساء ....*.* هي توسُّلات ، فإذا لم تُلبى صارت أوامر

( ايوه فتاح عينيك منيح )

سابع عشراً قانون: خاص بعزرائييل

(  خلص عمرها )

ختيارة سمعت انه عزرائيل عم

ياخد الكبار بالعمر، راحت جابت

علبة سيريلاك و صارت تاكل،

جاء عزرائيل و سألها:

شو عم تعملي يا حجة .

قالتلو: آعدة عم باتل سيليلات يا عمّو..

أجابها: يا حجة خلص عمرك ... بدنا نروح ... باي

ثامن عشراً : قانون الموظف

الموظف أول الشهر

الموظف آخر الشهر

تاسع عشراً : قانون السعادة في الحياة

في قديم الزمان، سأل شاب فتاة :

هل تقبلين الزواج بي ؟؟؟؟؟؟
فقالت : لا
فعاش سعيداً للأبد ...

وأخيراً قانون رامي ..........

أجمل جمعة جمعتكم... وما بمثل طيبتكم .... ولا حتى مودّتكم ......

عساها تدوم لمّتكم ..... ودايم تزيد فرحتكم

خيكم رامي ....