ليش لما تكون بطارية الريموت كنترول ضعيغة نكبس  بقوة على الازرار

يعني بهالطريقة منشحن البطارية ؟؟؟

ليش لما ينزل عرض نكتب انه يوجد هدية مجانية

يعني في بالعالم هدية غير مجانية ؟؟؟

ليش لما بنكون بالبيت ومنطلع من الشباك والمطر كابسة برا .. بنسأل عم ينزا مطر برا !!

يعني في شي مرة مطرت جوا مثلا ؟؟؟

ليش وقت نشوف لافتة عالحيط مكتوب عليها احترس من الدهان ما منصدق ومندقر الحيط باصبعنا

يعني لازم يحلف اللي دهن الحيط حتى نصدق ؟؟؟

ليش وقت نصف السيارة بموقف خالي من السيارات وبجي واحد بدو يصف ما بشوف محل الا جنب سيارتك

يعني مشان يتسلوا السيارات مع بعض مثلا ؟؟؟

ليش وقت نطلب المصعد وبتأخر منضغط مرة ومرتين وعشرة

يعني هيك رح يستحي على دمو وينزل بسرعة ؟؟؟

ليش وقت نوصل على المصعد ونشوف شخص واقف عم يستناه منضغط على الزر

يعني هو واقف عم يطلب شاورما مثلا ؟؟؟

ليش وقت نحاول نطعمي ولد صغير منفتح تمنا كمان

يعني بهالطريقة بقتنع انو ياكل ؟؟؟

ليش وقت نفيق الصبح منرجع منام شي عشر دقايق

يعني نمت سبع ساعات وهالعشر دقايق رح تفرق معك؟؟؟

ليش اول ما ننام ونسمع شخص عم يشخر منقول يالله لحق ينام

يعني في حدا بشخر وهو فايق؟؟؟

ليش وقت تكون قاعد بمحل عام ويرن الموبايل مباشرة منطلع على موبايلنا

يعني ما في حدا بالكون حامل موبايل الا انت؟؟؟


ليش وقت نوقف تكسي شاعل اخضر منسألوا فاضي معلم

يعني ممكن قلوا نزيل تمشى معي شوي؟؟؟

ليش وقت نشوف ولد صرلنا زمان مالنا شايفينه منقول:والله كبران

يعني في ولد بيصغر مثلا؟؟؟

<!-- هاك عام ـ تكبير خط المواضيع والتوسيط --><!-- هاك عام ـ تكبير خط المواضيع والتوسيط --><!-- / message -->