مافهمتها هي قصة القفص الذهبي                      

يعني بصراحة بيقولوا دخلت القفص ودخل القفص وبيقولوا قفص ذهبي يعني شو ماكان ذهبي ولا فضي ولاخشبي اسمه قفص والقفص لحجز الحرية وبعتقد المصطلح مو تمام حتى ولو كانوا عاشق ومعشوق ولا من طيور الجنة اسمه قفص يعني سجن أنا بشوف الزواج ماله قفص بنوب إلا لما منقرر نجيب هالعصفورة ولا العصفور ونسجنه الزواج مو سجن ولاقفص ولا عبودية الزواج حرية وبداية حياة وشراكة واستقرار

حطموا أبواب أقفاصكم فالسعادة كل السعادة بالحرية وأي عصفور أو عصفورة بدو يهرب فحرام يكون أساساً  معنا بقفص واحد

القصة أروع وأبسط من هيك  بكتيررررررررر

العصفور ولا العصفورة لما بيكون حاسسس  بأمان مابيحتاج لقفص راعيه منيح وشوية دلال  وأعطيه الأمان وشوف كيف بعمره مابيحتاج قفص ولا بيفكر بالهروب بالعكس لح يغرد ويملى  الحياة ألحان

وبطلوا كلمة القفص الذهبي  وعقبال ما شوف كل عصفور وعصفورة  بقفص بدون أبواب ولا أقفال  وعايشين  ومبسوطين وعم يملوا الكون ألحان

               وبيضل القفص قفص ولو كان من ذهب وألماس