بحث
بحث متقدم
Category: شرف المعرفة

 

الاسم   ليلاس


مواليد    دمشق 22\10\1985


متزوجة    وعندي صبيين الاول 4 سنوات والتاني سنة ونصف


خريجة    ترجمة \تعليم مفتوح


مافي مهنة حالية بس ممكن اشتغل وترجم لان الانكليزي بلنسبة الي اكبر متعة


الهواية    القراءة كتير بحب القراءة وبلذات الروايات الرومانسية

مو البوليسي يعني ههههههه وبحب الرسم وكل شي فيه فن بحبو

 متل تزيين علب الشوكولا وطبعا من اول ما اشتركت بهالموقع

 صار عندي هواية جديدة وهيه تراترو والتعليق عالمدونات


الرياضة المفضلة    اكيد السباحة لاني بحبها كتير


احلى صفاتي    الطيبة انا بلاقيها احلى بس كلو بيقلي كتير هيك

ومزودتيها طيب شو اعمل بحالي الله خلقني هيك شو ساوي انا هههههههههه


اسوا صفاتي    بعصب فورا اذا الشغلة ما عجبتني او كما كانت متل ما بدي

 لانو عندي نزعة للمثالية بتنفيذ الامور ويا ويلاتاه اذا شي قصة كنت

 راسمتلها ومزبطتلها واجا حدا ونزعلي ياها ييييييييييي شو بيصير مدابح

لا والله عمامزح مو لهلدرجة بس بعصب فورا والله وبندم بعدين الله يسامحني


اتمنى في الحياة      ممممممممممممممم انو شوف ولادي احسن شي بلدنيا

وحقق ذاتي وانجز شي مهم يفيد الناس وبتمنى جد كل الحقد والكراهية

انو ينشال من قلوب الناس كلها ونعيش بمحبة ومودة وسلاااااااااااام


الي حققتو بحياتي          ممممممممم بفتخر بتخرجي وشهادتي طبعا

وبتمنى اذا صحتلي فرصة اني كمل دراسات عليا اكيد

وبنبسط لما شوف ولادي ادامي عم يركضوا ويلعبوا بحسهم حياتي كلها


تراترو    ااااااااااااااااه من تراترو ليش في احلى ولا اروع ولا اجمل

 من تراترو ما هيه يلي جمعتنا وهيه يلي حلت ايامنا وهيه يلي دخلت السعادة

 والفرح لقلوبنا هالا ما بقلكم مافي شوية زعل كمان شي طبيعي

 بيزعل الواحد شوي وبيرضى بعدين اجباري كل شخص والو رايو

وافكارو الخاصة فيه ولابد ان تختلف وجهات النظر بس بتنحل دوم

انشاء الله
بتمنى ب تراترو     انو يصبر رقم واحد ب سوريا كلها

ووبن ما كنا اعدين ما نسمع غير هلعالم عمتقول تراترو وتراترو

 جد سالوني الي والله جربت غير مواقع وشفت بعيني ما حدا قلي

يعني موقعنا اروع واحلى واجمل واطيب موقع واحلى شي فيه

انو كلنا اخوة ومنحب بعض ومنخاف على بعض ومنتمنى الخير لبعض


كاتب المدونة      انشاء الله عاول جمعة بدو يتراس الجلسة لانو جد

يلي عملو ما خطر ببال حدا يعني عليه افكار

بتعقققققققد عقولة اللبنانية جد مشكور هادي واضح انك مميز

حتى من دون ما نعرفك

   
اما الان رأيي

 
الأهل    طبعا ودايما الله يخليلنا ياهم وما منقدر نعيش بلاهم

 لانو اهلنا بيضلوا لو شو ما صار بيحبونا وبيخافوا علينا

 وبيضلوا اكلين همنا والله يخلينا اهلنا فوق راسنا امين يارب


الحياة: حلوة بدنا نعيشها بمرها وبحلوها وبدنا نتقبلها

كيف ما كانت ونتكيف معها كمان مشان نكون سعيدين بحياتنا

 ودايما نتذكر غنية عبد الحليم(( الحياة حلوة بس نفهمها الحياة غنوة

ما احلى انغامها ارقصوا وغنواااااا الحياة حلوة الحياة حلوة))


المال: ااااااااااااااه منو اااااه شو خارب هلدنيا غير المال شو مقسي القلوب

غير المال للاسف صايرة الدنيا معك هيك بتسوى هيك

ويا جماعة المال وسيلة وليس غاية يعني الله وكيلكم عليي ما عليي يعيش الواحد

 بكوخ ويكون مبسوط ومالك الدنيا احلى من القصر اذا كان عايش وحيد وكئيب وحزين


الصداقة : رايي الخاص احلى شي بلدنيا الصداقة بس ياريت العالم تفهمها صح

وبزعل وحياة الله لما اسمع انو شو هي صداقة بين بنت وشب

 يا جماعة يعني يا حب يا اما حرام وما بيصير وممنوع

شو فيها اذا كان الشب بيخاف علبنت متل اختو وهيه معتبرته متل اخوها

والله حلو هيك طبعا هي بتبقى قناعات وللأسف قد ما كان ما حنقدر نتحرر

من القيود يلي وعينا على هلدنيا عليها بس ممكن ناثر عليها وما نخليها تاثر فينا


الحب: عملة نادرة وممكن مفقودة هلايام بس برايي احلى من الحب مافي

 حلو نحب ونعيش حالة الحب ونشتاق ليلي منحبو والاحلى

يشاركنا الطرف التاني نفس الشعور مشان تتوازن المعادلة ما هيك


البلد      والله احلى من بلدنا مافي الشام شامة شو ما بدك بتلاقي فيها

 بيكفي طيبة اهلها وكرمهم والحمد لله ليكنا مو ناقص علينا شي

وعمنطور وما احلانا وحنسبق غيرنا كمان بلكفات الشابة والعزيمة والارادة


نفسي:     انا الحمد لله رضيانة عن نفسي بس اكيد بتمنى غير بعض الامور

 والشغلات صغيرة بتصير بس بدها وقت وضروري خفف هلطيبة شوي

 ومو ضروري كل انسان منقابلو يكون طيب وحباب وظريف

يعني الدنيا فيها هيك وفيها هيك صح


كلمة لاصدقائي

والله فرحتي فيكم لا توصف بتمنالكم السعادة من كل قلبي ويارب يارب

 شوفكم دائما سعداء ومبسوطين جد من جوات قلبي

 وبرايي يلي عمبيصير بموقعنا هون سبق عصرو واوانه اديش منسمع ومنشوف

 انو شو نت وشو بيعرفكم شو بيجي من ورا النت

بس بلفعل الحقائق اسكتت كل الافواه يعني نحنا مع بعض منجنن وحلوين وظراف

 كان هاد الموقع جامع نخبة النخبة بلفعل الله يديم المحبة يارب بقلوب الجميع

وبتمنى من جوات قلبي يبعد الحزن والزعل عن كل العالم

ونضل دوم مبسوطين مع بعضنا وما يفرق بيننا شي باذن الله


والله يخليلي ياكم يا احلى واروع رفقات بلدنيا كلهااااا
 
 


Delicious Digg Facebook Fark MySpace