اسمي    لوليا 

مواليد    3/2/1979 دمشق

متزوجة    وعندي كريم 3 سنين

مهنتي    ربة منزل

هواياتي     سرئة الاداحات من رفئاتي بدون ما حدا يفهم غلط واتفنن بالطبخ

رياضتي    اكيد السباحة وبعشئ الفروسية وركوب الدراجات النارية كمان

صفاتي   انا بشوف انو طيبة وعندي قوة الصبر وقنوعة والحمدالله

صفاتي السيئة    بسدئ كل شي / عصبية كتير كتير/مزاجية

اتمنى في الحياة    انو تبئى صحتي بخير وائئدر حافظ على كل شي الله وهبني ياه

من اهلي الله يخليون واسرة متكاملة وبيت في حب وملائكة يلي هن الاطفال

يمكن ما ائدرت حئئ كل شي ببالي لهلئ بس الحمدالله

ماذا حققت في الحياة    انو صرت أم وهي احلى شي لهلئ يحياتي

ابني كل شي بحياتي الله يحميلي ياه

ماذا تعني لك تراترو   تراترو هي اهوتي يلي لا غنى عنها لما اصحى

يعني ما بتخيل يمرء يوم وما فوت علق عالمدونات بما انو هي شغلتي الشاغل

وازا مرئ معناها بكون في شي مو طبيعي

ماذا تتمنى في تراترو    انو بتمنى نضل عيلة وحدة وايد وحدة

متل ما تعودنا رغم كل الظروف وياريت تزودونا بشي مفيد اكتر

ما رايك بكاتب المدونة   هلئ رائي انو يلي عم يكتب اي مدونة

فهو اكيد عم يعبر عن مشاعرو واحساسو

وانت والنعم منك فكرتك حلوة كتير لتعريف الاصدقاء على بعض اكتر يمكن

شو رايك

الاهل : هن الحياة بدون شك والله يخليون

الحياة : بدنا نعيشا شئنا ام ابينا حلوة تكون عايش فيها بدون زاكرة

المال : وسيلة فقط لا غير ومافينا نمشي امورنا ونتعايش بالحياة بدون المال

الصداقة : كلمة غالية المعنى والذي لا يقدرها لا يستحقها

الحب :الحب مو بس كلمة تنئال طبعا الاحساس رح يوصل معنى هالكلمة

البلد : الشام هواي يلي بتنفسو وسوريا احلى واعظم بلد بالعالم

وبكفي ريحة الياسمين يلي بتنعش القلب

نفسي : مو كتير بحب نفسي!!!!!

كلمة الى اصدقائي:

بتمنى الله يوفئ الجميع بحياتون ويبارك فيون

ونكون هون اخوة وعيلة وحدة

تراترو جمعتنا عالمودة وتبادل الوفاء

وعرفتنا على اصدقاء اوفياء

وشكرا الك صديق هادي

وبتمنالك التوفيق بحياتك

فكرتك مميزة

مشكووووووووووور