اسمي   عماد قصاب 

لقبي    عماد الكردي

مواليد 15 / 9 / 1978

متزوج وعندي 3 اطفال احمد 5سنوات وعبد الجبار 4 سنوات مؤيد سنة ونص

المهنة     محل موبيلات

الهواية   كرة القدم متابعة لاني ماعاد اقدر امارسها

احلى صفاتي    برائي الهدوء وطولة البال

اسوء صفاتي     اني بصدق كلشي بسمعو وبثق بلناس ثقة عمياء

اتمنى في حياتي    انو اشفا وارجع متل ماكنت قبل الحادث الي دمرني

بس الحمد لله كلو خير من الله حففت في حياتي سمعة طيبة

ومحبة كل الي بيعرفوني وعائلة حلوة واهم شي انو امي رضيانة عني

وهل شي كتير بفرحني

تراترو تعني الي انو اشوف ناس طيبين ومحترمين

وابني صداقات تكون على اساس الاحترام والمودة

اتمنى في تراترو     انو الناس الي بتدخل تكون محترمة

وماحدا يزعل حدا منو ابدا

كاتب المدونة   بعد ماحكينا اكتر من مرة كتير محترم

ودمو خفيف ولسانو متل العسل

الاهل    هنن الي بوقفو معنا وقت الشدة

وجد لاني انا ماشفت ابي منيح الله يرحمو دوم بحس بنقص

الحياة    مدرسة ولازم نتعلم منها وكيف ماكانت الحياة حلوة

المال    عصب الحياة وخاصة للعندو عائلة ومسؤل عنا بس هي وسيلة موهدف

الصداقة    شي رائع وحلو وعلاقة نبيلة بس تكون بصدق

وماحدا يستغلها لحتى يصل لاشياء بعيدة عن الصداقة

الحب      اسمى علاقات البشر بس وين تلاقي بهل ايام حدا

يحبك لذاتك صعب تلاقي

البلد     سوريا امنا التانية وقد ما تعذبنا فيها بتزيد محبتها اكتر بقلوبنا

نفسي     تعيش كل الناس بمحبة والفة ويعم الخير على كل

انا بعتبر اصدقائي اخوتي وبحبون كتير والله يقدرني اوقف جنبون

وماخلي حدا منهم يزعل لاني بجد بعتبرون اخوتي واكتر