الإسم   عبير

مواليد      10شباط1983 من دمشق

متزوجة عندي بنت تيما10سنين ورضا 8سنين

مهنتي     ربة منزل  ...الأشغال اليدوية متل تزيين علب شوكولا المناسبات

وسواقة السيارة بالليل مع سماع جورج وسوف والصبح بكير مع سماع فيروز

الرياضة المفضلة    السباحة والتنس

أحلى صفاتي    بنظري هية طيبتي وحناني

وأسوأ صفاتي   هية طيبتي كمان لأن بتنفهم غلط

أو بهذا الوقت صارت الطيبة عيب

أو بتلاقي الطيبة بتحطك بمواقف مو زابطة وبتخليك تندم عطيبتك

بتمنى من الحياة    أول شي الصحة لأنها أهم شي

وبتمنى الصحة والسعادة والنجاح لأسرتي يعني يلي ما قدرت حققو

بتمنى يحققوه ولادي وشوف حالي فيهم

بحياتي حققت سعادة أسرتي وبنوتة متل الوردة

وصبي متل الشمعة الله يخليلي ياهم يارب ويقدرني ربيهم أفضل تربية

تراترو    شي مهم بحياتي اليومية يعني ما بتخيل يوم بلا تراترو

صاروا أكتر من أهل

بتمنى من تراترو    تحظر شوي من الأشخاص يلي عم بيسيؤا

إن كان بالكلام أو بالمدونات لبعض الأعضاء الموجودين

وبظن هذا طلب كتير صعب

المدونات حلوة رغم إن الغالبية منقولة بس حتى ولو منقولة فهي بتعبر

عن ثقافة الفرد أو عن رأيو من خلال شو بيحب يقرا ويشوف

رايي بالأهل  الشيئ الأساسي اللي بيستند عليه كل شخص مهما كبر

الله لا يحرمون لحدا ويخلي هالنعمة دايمة عالكل يارب

الحياة   حلوة بس لازم نعرف شو يعني حياة أكتر

لأنها عم تصعب يوم بعد يوم وصارت متعبة ومتطلبة

وما عم تناسب الجميع بس يلي بيحب الحياة بيعرف يتأقلم ويعيش مع كل ظروفها

المال   ضرورة للعيش ولكنه ليس السبب الوحيد للحياة

الصداقة    شيء عظيم جداً ولكن للأسف من زمان كان يوجد معنى للصداقة

أكثر من هذا الوقت هلأ صارت الصداقة مبنية على مصالح

مو بالعموم بس إجمالاً هذا الوضع 

الحب   كلمة بقدر مو صغيرة بقدر ما هو كبير وهذا موضوع طويييييييييييل كتير

بس مو الكل عم يعرف يحب والحب برأي نعمة من عند الله

لأن بيخلينا نحس ونسمع بدقات قلبنا

بس لازم نعرف كيف نحافظ على هذا الحب من دون ما نجرحو

البلد    أنا بعتز إني من الشام وأنا بقول شامي بحب

ريحة الياسمين فيها بالليل وبالصبح بكير بحب عجقة رمضان فيها

وبحب عجقة الصبح وقت المدارس

وبحب بردا وثلجا وحتى شوبا بيكفي نعمة الأمان فيها

راي بنفسي    بصدق العالم بسرعة كبيرة وهذا غلط كبير فيني

بس ما عم بقدر إشتغل عليه لأنه طبع

يعني بعطي كتير مشاعر من حب لحنين لصداقة لعطف

لأي شعور جميل من دون ما أنتظر مقابل

وللأسف بتكون صدمتي أكبر من عطائي

فلازم إمشي على قاعدة إتقي شر من أحسنت إليه وأنا متهورة بعض الأحيان

 عندي قرارت فجائية وجريئة بطلع فيها عن أي موقف وعالأغلب بندم بعدا

كلمة لأصدقائي

كلمة أصدقائي لوحدها تعني الكثير هادي هون حطيتني بموقف محرج وملبك

يعني السهل الممتنع لأن بعجز عن شكرهم بسؤالهم عني

وبوقوفهم معي بسعادتي وبحزني

 وبدي قول إنهم أكتر من أهل وأخوة

وبتمنى نضل هيك عطول ويصير في محبة أكتر

ونصير عقلب واحد أكتر

بدي قول الله يخليلي ياكم ولايحرمني منكم
 
شكراً لزوقك هادي كتير

عبير