إلى اخوتي الغاليين في تراتروا
السلام عليكم ورحمة الله وبركاته
بصراحة انا حبيت هالموقع واخترتوا من بين المواقع لانوا فيوا اشخاص محترمين بيقدروا الكِتابات وبيعلقوا
عليها بأجمل التعليقات سواء بالنقد او بالمدح
بس بدي اسأل كم سؤال
ما بعرف ليش صرت عم أشعرالمواضيع عم تتكرر كتير وأنو المدونات معظمها متشابهة يعني عم حس إنوا الي عم بكتب المدونة غايتوا التعليق عليها بس والاهم من هيك 75% من المدونات عن المرأة أو عن العشق والغرام
صرت فكر حالي مخربط بالموقع والموقع خاص بالمرأة
شو السبب ما بعرف !!!!!؟؟؟....
حلو هالشي بس لازم ننوع بالمقالات كمان
طيب وبتشوفوا الي بينشر بنفس اليوم شي عشر مدونات أنا بستغرب ايمتى بلحق يكتبون !!!!!!!؟؟
وبتلاقيها معظمها مكررة
وعلى فكرة من خلال قرائتي للمدونات بشوف التعليقات للمدونة الي بيكتبوها البنات اكتر بكتير والتصويت متل زخ المطر وبتلاقي المدونة نفسها كاتبها شب مافي حدى معلقلوا يا حرم !!!
انوا بس بدي اعرف شو الفرق يعني؟؟..
بالانتر نت شو بيفرق الشب عن البنت يعني الشب بيكتب بالاسود والبنت بالزهري ؟؟؟؟!!!....
طيب ليش منقص من النت ومنلصق بتراتروا
أنا مو ضد هالشي بس يكون مُنظم يعني مو ألف مدونة لشخص واحد باليوم
أنا بحب المدونة الي كاتبها الشخص بقلموا ولو كانت سطر وبعتبرها هية المميزة عن المدونات المنقولة ,
عملها قص ولصق بالموقع وصارت من المدونات المميزة طيب وين حقوق الفكر يعني العضو بشو تميز ؟؟؟!!!..
بسرعة القص ولا ببراعة اللصق!!..
حلو انوا نفيد رفقتنا بمعلومات جديدة بس عند النقل لازم أحترام صاحب المقال الأصلي ونذكر اسمو وإن امكن مصدر النقل
وبصراحة هوة مطلب الي ولكتير من الأعضاء
كمان لازم ننمي الكتابة الي عنا
أنشاء الله منشوف الموقع من المواقع الناجحة وبكون متألق ومتميز فيكون
أسف إذا كان في شي غلط بالكتابة أو بالطرح بس بتمنى يكون قسم المدونات منظم اكتر من هيك
وتحياتي لكل الأعضاء
أرجو أبدأ رأيكم بالموضوع
أخوكــــم عـلــــي
عــلـــــــي ALI عودة إلى مدونة , 'user_report.php?return_url=http%3A%2F%2Ftratro.com%2Fblog.php%3Fuser%3Daloooosh%26blogentry_id%3D13306&TB_iframe=true&height=300&width=450', '', './images/trans.gif');){kind=spacer}
محتوى غير ملائم
