بكل ركعة بقول مشكورة                  

لله شو حـــلوة ياأمــــورة      باحساس منك كملت الصورة.

لولا كتبت بايدك الكلمــات          كانت بتبقى دوم مغمورة.

انت العطيتي روح للنسمات        كانت بلاك حروف منثورة.

بوحي مـــنك نزلــت الآيات      نغمة و نغمة..تشكلت سورة.

عنوانها القلوب عـــم تقتات    من عيون بالنظرات مسحورة.

و من بوسة مسروقة من الشفات   و صارت بها الشفات مخمورة.

متل النحل ما بيعشق الوردات   عشقت الحلا بأنهار و بحورة.

عندي نظر بيجاوز الغيمات،   لكن يا حسرة الإيد مكسورة.

لونت حلمي ببحة النايات        وتركت هالأفكار مغمورة.

بواقعي تصرت متل المات      وصارت حياتي عدم مبتورة.

حتى التقيتك ياحــلا الظبيات        متل الشمس المكللةبنورا.

بلمسة إيديك انمسحت الظلمات   ورجعت الي الأيام بسرورا

صارت حياتي أجمل الأوقات     بكلمة غزل منك يا عصفورة.

تكافئك كـــل يوم مســويات       ببدا صلاتي باسمك القدوس

           بكل ركعة بقول مشكورة.