بحث
بحث متقدم

 

بسم الله الرحمن الرحيم

قبل مااعرفه .. و أعرف وصوفه.. كل اللي عرفته بس
عليــه الــروح ملهوفــــة ..
أشتـــــاق لــــه ... و مدري ليه أشتاق ..
و أخـــــــــاف .. من ضيـــم الأشواق ..
من كثـــر خوفـــي .. أعاتب ظـــروفي ..
و دوم أترجــــى ظروفـــه .. في غيـابــه ... غيـابي ..
و فــي حضـوره ..
يطــل النــور من نــوره .. في قـــربه ... عــذابي ..
و إن شكيـــــت البعـد معــذور ...
إن غاب .. عذبنـــي غيابه .. و شوقنــي لتــعذيبه ..
و إن حضــــر .. ذوقنـي عذابه .. و أحتار شـسوي بـه ..
من كثرما شفـته أو لمحـــته ..
بس لو غمضت عيــني ... ما تفـارقني طيـــوفه ..
بعيوني ساكــــــن خيـــاله ... و بقلبـــــي سـاكـــــن لحاله ...
و بــالروح حفـــظت .. اسمه و أربع حروفــــه ..
كل هــــذا و عيني ما تشوفه !!
لعد وشلون لو أشوفه ؟!!
وشلون ؟؟
لو عيني تنـــظر لــ عينه .. و أشـــوف ابتسامه ..
و أسمع كـلامــــه .. و كفـــي يلامس كفــــوفه ..
غريـــــــــــبه حالتي !
و الأغرب إحســــاسي
مـــا عرفـــته بس
اهو أغلـــى ناسي
والله ... والله ،،
سكن قلبي قبل مااشوفه ..
قبل مااعرفه .. و أعرف وصوفه..
كل اللي عرفته بس
عليــه الــروح ملهوفــــة

.,.,.,.,.,.,.,.,.,.,.,.,.,.


حزن
وفراك
ومعاتب
كلهن دارن عليه
الحزن يوم الذي رديت
سحن روحي وعمل بيه
والفراك بيوم فاركتج
اشتاك الكلب حنيه
والمعاتب مرد روحي
عتب مغرض يالبنيه
صدك لو كلتي اعرفهم
هلي كلش هواويه
يكبار الوكت
يزغار
ارحمو العاشك شويه
تره العاشك خيال يشوف
ويظن الدنيا كمريه
الوادم وصلت المريخ
تجري ابحاث علميه
واخنه نحارب الحبّو
لاجل اغراض شخصيه
لجن والله وحك حبج
اعرف الخبطو الميه
واعرفج شجره من تهوين
مو شجره طبيعيه
حزن
وفراك
ومعاتب
كلهن دارن عليه

.,.,.,.,.,.,.,.,.


ماشوفك تحبني وچنك انت ابعيد ..
اشما اقرب عليك ..
اتزيد حسراتك ...
اذا خايف احرجك ..
گلي ليش اتخاف .. ؟
ماريد آنه اصبح ..
سبب مأساتك ..
احسب للطريق ، وشوف دربك زين ..
بس آنه اعتقد ..
حاسب حساباتك ..
مرات اني اشوفك ..
قمه بالاشواگ ..
ومرات احس گلبك ..
عكس نظراتك ..!!
اشوفك ترف ، واطمع ع الترافه البيك
اجيك .. وتنگلب قاسي بعلاقاتك
يـ (انوبه) بالكرم ..
واكثر بعد للناس ..
بس وياي .. تبخل ليش ساعاتك
تلعب على اجروحي ..
وتضحك ومرتاح ..
وأنا ابطيبة گلب .. احمل جراحاتك ..
واضح ويه غيري ..
وغامض انت وياي ..
اتمنى اني غيري .. واحوي ضحكاتك
بس راح اني اعوفك ..
وانشغل بالروح ..
وما تلگي من يمسح غيري دمعاتك



.,.,.,.,.,.,.,.,.,.,.,.,.,.




ماكدرت اتجاهلك شنهو السبـــــــــب
ولاكدرت انساك وغيرك احب
وليش صرت الماي والحب والهوة
اني ادري كلب عندك من خشب
وليش ازرعلك وسط كلبي ورود
وانت خضر زرعك بكلبي كصب
وليش ساكن مهجتي وساكن خيالي
وليش غصبن علي ساكن بالكلب
وليش اعلم بيك واتعب بالمحبـــــــة
وليش راسب دوم ماتعرف تحب
وليش دمعي خلة بخدودي اثـــــــــر
وانت دمعاتك بخيلة وماتصــــــــــب
وليش تذبل وردتي من غير مايـــــــك
وليش امشي بدربك ودربك تعـــــــــب
وليش من عيني تجي بعينــــك اذوب
وليش اوج وانطفي مثل الحطــــــب
وليش ماكدرت اغض النظر عنـــــك
وماكدرت انسى هواك وانسحــــــب
وليش اعاتب روحي محتملة عذابــك
واني ادري وياها ميغير العتــــــــب
وليش اشكي من العذاب الشفتة منك
واني راضي بنار البكلبي تشــــــــب
وليش من قررت ابعدج عن حياتـــي
صارت ايامي تراب ...
وجانت ايامك ذهب


.,.,.,.,.,.,.,.,.,.,..,.,.


من كد ما حلو مني اغار عليك
وشحدي من اكرب واوصل لحدك
حدك مو سهل سور وعليه حراس
ما احسدك ملك من احسد بعبدك
احسدك يلعبد جي شافك بكل عين
وكل عين التشوفك تصبح بكدك
معروف الخيال ويه الشمس ينشاف
واجه الليل وخيالك واكف بسدك
ما يقبل يعوفك دك رجل علكاع
من كلناله وخر جلب بزندك
اذا هذا الخيال وما يهد يمناك
تعتب علكلب جي ما رضه يهدك
واحد انته واغلط من اعدك ليش
واحسب من جديد واغلط بعدك
لان تحمل مزايه تكفي كل الناس
وتنكط ترافه الكبلك وبعدك
حب من طرف واحد وافتخر وياك
وشحدك تحبني وتعشك شحدك
مامخلوق اضنك تعشك اليهواك
مخلوقين كلنه نحبك لوحدك
.,.,.,.,.,.,.,.,.

Delicious Digg Facebook Fark MySpace