Search:
Advanced Search
Posted: 12/10/2009 - 4 comment(s) [ Comment ] - 0 trackback(s) [ Trackback ] - 0 Votes

 

لماذا؟؟؟؟؟؟؟ كل هذا الهجوم على مقالة النقاب لماذا لا تتقبلون الأخر الحمد لله انو شعبنا بسوريا بكلشي بيفهم بالدين كلون بيفهموا وبالسياسة كمان وبالرياضة وبالفن وبالثقافة طب ليش ما بتتقبلوا الرأي الأخر اذا عم نقول انو شيوخ وعلماء دين عم يقولوا انو النقاب عادة مو عبادة وانو مو فريضة وانو من عادات الجاهلية بشو غلطت انا اذا نقلت رأيون او حتى اقتنعت ,شيلوا النقاب من على عقولكن وفكروا فكروا بالمستقبل بالتطور بالحياة مو بشقفة قماشة  بتحطوها على راس البنت الحياة اهم  بكتير من هيك اشيا انتوا بتفكروا فيها تركتوا الدين كلوا ولحقتوا هالقماشة  كل واحد بيكون ما بيصلي ولا بيصوم بس لازم امو تتنقب ومرتو كمان بس اختو معلش تتحجب بس انو هو كتير جار على حالو

لا وشو كل ما بتمر بنت مو لابسة اسود باسود بيطلعوا عليها وبيشرقوها شرق بعيونن مع انو بتكون لابسة شي عادي مو اوفر ولما بيسافروا لبرا بيعملوا السبعة وذمتها كانو هون في الله وهنيك لا

حسبي اله ونعم الوكيل بهالمجتمع  وبهالشباب الي طالع كل فكروا بالبنات وبالتطبيق وبانو يقيد اختو ومرتو ويحبسون بالبيت وكانو قطعة اثاث .الغريب انو كتير من رواد هاد الموقع هاجموا مقالتي ويمكن ما فهموا شو مكتوب بس هاجموها هيك لانو بتنتقد النقاب الي هنن ببيقدسوه او لانو بتنتقد فرض الحجاب على البنت بالغصب من بعض الأهل  امتى رح نتطور سؤال صعب كتير جوابو ويمكن نموت وما نتطور

اذا كل همنا هو قماشة فقط قماشة اذا لبستها البنت راحت عالجنة واذا مالبستها راحت عالنار طبعا حسب تفكير هالناس الغريبين وكانون مو عايشين بهالعصر 

بكرر طلبي من الكل انو يعطي رأيو بلا نقــــــــــــــاب  مجداا بلا نقــــــــــــــــــــــاب 

Delicious Digg Facebook Fark MySpace