بحث
بحث متقدم
Category:

السلام عليكم..وعليكم السلام مع السلامة

مالح طول عليكون كلمتين نضاف أحسن من جريدة وصخة"وسخة" يعني

كتير من الأحيان بتشوف تعليق على مدونة مابتعجبك...أو بتشوف شخص ماكتير محبوب

من قبل الآخرين.."متلي يعني " طبعا هاد الشي ما بئيمو من أرضو مدري ليش بحس حالي بحب الأفلة

المهم ئلك وئلك...يعني لك ولكي...ئلك وئلها

لما بتشوف شي تعليق بارد على شي مدونة بتكون متفلسف فيها شوي..عندك بعض الحلول

أول شي وهاد يلي أنا بفضلو...تسبني ازا أنا صاحب التعليق..أو تسب صاحب التعليق ازا كان غيري..

ليش؟؟اول شي,لأنو ازا حضرتك سبيتني مالح يتغير بالواقع شي بكل الأحوال مالي سمعانك..ولو سمعتك

مالح رد عليك...تاني شي وهو الأكثر أهمية على الاطلاق أنا بحاجة زتلك كم سيئة وأخود من عندك

كم حسنة..مو هلأ...لاء يوم القيامة..يعني بتكون فضلت على مخي وئت تسبني

الحل التاني مولانا:هو انك تحذف التعليق بسرعة أبل ما تشوف شو مكتوب فيه

الحل التالت:هاد أنا اتبعتو مع تنين هون بيعرفو حالون منيح..يمكن فكرو انو ماعندي قدرة عالرد عليهون

أو اني مالي أدون...سيدي خليون يفكرو يلي بدون ياه...الفكرة أنا سفئتون بلوك..ليش؟؟

لأنو الحكي عالمدى الطويل من بعيد لبعيد مابحبو...ومو معئول كل مافتت  ائزي عيوني بكلامون

لهيك سفوئني بلوك انتو كمان  وريحو نظركون مني ومن كل واحد بيكتب تعليقات باردة :D

وآخر نصيحة مني ئلكون...ازاشفتو تعليق مني انو تعملو الآتي

تسبوني.وتردو على تعليقاتي وتعملولي بلوك وتحذفولي تعليقاتي وهيك بتكونو جمعتو بين خيري الدنيا والآخرة

لاتنسو تصوتولي على هالمدونة

أخوكون أبو حميد

Delicious Digg Facebook Fark MySpace