لا تزعلو مني ها
اول شي بيكون ماشي بكل ثقه يشكل اسي وفجأة بيوقع هديك الوقعه ادام شله البنات والسبب كان حجرة موشايفها لكن كان عم يبصبص يشيلو عينو واحلى شي هون بيشتغل الضحك عليه هههههههههههههههههههههه
واحد مفكر حالو روميو ويا ارض اشتدي وماحدا قدي بيمرأمن ادام صبيه وبيقول شو الحلوة وراها مشوار بترد عليه بثقه وبتقول لا والله الحلوة وراها حماااااار ههههههههههههههه وتخيلو انتو خيبة الامل
وواحد عامل حالو ازعر بيمرأ من جنب الصبيه وبيقللها يقبرني الحلو ومابينتبه للشلوط يلي بينسفه نسف المسكين
وعفكرة هذا المنظر انا شايفتو وضليت اضحك عليه يومين ههههههههههههه
كلو كوم والجامعه كوم تاني بس يفوت الشب عالجامعه بيتغير180درجه بيصير كلشي فيه بيلمع
شعرو عبارة عن نص كيلو جيل بتمر من ناحو بتحس انو أنينه عطر مكسورة
بصير كل أسبوع يحلق شعره الله يرحم ليلة العيد لمه تكون عيدين
بيصير يرمي السيجاره وهي بنصها .. قال يعني ناس هاي كلاس .
بتحول من قدرة قادر من قائد الثورة والوطنية لـ أبو الفن والرومانسية والحزن .
ما بصير ياكل الا سكلوب و تركي.. الله يرحم أيام الفلافل .
بيصير كلامه .. هاي ،، مرحبا ،، صباح الخير ،، مامي ،، بابي ،، أهوه ،، نس " بيدلع المصدي أخينا .
بيصير يتحمم كل يوم .. ووين راح اليوم الي بصير في احتفال اضخم من احتفال يوم الاستقلال لمه يتحمم ( يوم كان كل أسبوع يتحمم و ابصر يمكن كل شهر)
طبعا قدام جمعة بنات لمه تنجاب سيرة الامتحان .. بده يحلي اذا نجح الأخ بصير يدرس بس عشان ينجح ويحلي " هااهاهاهاهاها .
حلال مشاكل الشعبه ،.. بيصير القائد تبع الشعبه ،، بده يعلق دوام .. بده يحل مشكلة فلانه ومشكلة علنتانه ،، كله نخوه أبو الشباب
طبعا ولاعة السجاير .. حديد نوع فاخر لا تقل عن مبلغ وقدره .. وين ايام الكحاته او الكبريته يا خال ..؟؟
بيتحمس وبيصير يناقش بالمحاضر ( قال يعني بفهم أكثر منه ) الله وكيلكم الي بشوفه بفكره افلاطون بعث من
جديد هيهي .. الله يرحم ايام ما كان بالمدارس ينام بالصف من الساعه 8 للساعه 1 .
ملاحظة هامة جدا :ارجو تقبل الموضوع بروح رياضية
...