مابعرف كيف بدي بلش وبعرف الكتار منكم لح يلوموني ويهاجموني  الحكاية باختصار أنا أكره البزاليا ولسببين الأول مابقدر قوله لأسباب رقابية وأخلاقية وأما السبب التاني وهون القصة الوالدة الله يخليلكم ويرحم أمهاتكم مع فائق حبي واحترامي إلها كانت من زمان ماتغسل غير يوم الأربعاء  وطبعاً هاد الكلام قديم وقبل وصول الأوتوماتيك أيام الغسالة تبع الملقط الخشب والعصارة اللف ومابعرف شو السبب هي عادة هي طبع هي معتقد مافهمت المهم بالقصة منكمل بقصة البزاليا بما أنو الغسيل يوم الأربعاء فكانت تطبخ رز ببزاليا يوم الثلاثاء وشو طبخة طنجرة من القياس البيغ بيغ يعني وناكل رز وبزاليا الثلاثاءوالأربعاء نكمل الباقي  بما أنو عندها غسيل ومو فاضية والخميس موعد زيارتها لبيت أهلها ومحسوبكم ماكان يروح مشان أبقى بالبيت لحالي وهي بدها قصة تانية وحكاية تانية قصة يوم الخميس والأهل مو بالبيت والجمعة مشوار إذا أمكن والجو مناسب وطبعاً أنا ماروح معهم للأسباب نفسها تبع يوم الخميس والحجة جاهزة دراسة ومو فاضي منرجع للبزاليا كنت آكل من الثلاثاء للجمعة رز ببزاليا  والأكلة طالعة من مناخيري وإذا بتحللو دمي بيطلع فيه بزاليا  ولسه لليوم العالم بتقلي ليش مابتحب البزاليااااااااااااااااا

وتزوجت وأصدرت قرار منع دخول البزاليا للبيت وبعد الأولاد متل ال ؟؟؟؟؟؟؟؟؟؟؟؟ دخلت البزاليا لبيتنا من جديد ولكن بشرط تنطبخ بغيابي وهي حكايتي مع البزاليا وكل أكلة رز ببزاليا وأنتو بخير وتتهنوووووووووووووو مابحبهااااااااااااااااااااااا