مع احترامي للدراما السورية وماحققت من نجاح وبشهادة الكل بس أنا بعتقد أنه لازم يتعبوا أكتر ويختاروا التعابير بدقة أكتر وللأسف مدري العيب فينا مدري فيهم  مابعرف ماصدقنا على الله إيمت خلصنا من التعابير بالشارع من الأولاد وبعض الشباب  للأسف من حكاية النمس والناموسة تبعوا للبوجقة بالشامي ولنفس المسلسل  يلي لح يخلص السنة والحمد لله بعد ماخلعو الباب تبع الحارة00ويمكن يتراجعوا عن كلامهم ويغيروا رأيهم متل ما وعدونا بأنه الجزء الأخير ويعملو مسلسل عن باب الحارة المخلوع المهم  لحقونا هالسنة بأكتر وأكتر مع احترامي للرائع سامر المصري ودوره بمسلسل أبو جانتي يؤسفني أن أقول أنه نصف الشباب والأولاد بالشارع صاروا يقولوا سلبناها عليكم بدل  السلام عليكم----- ومع إعجابي الشديد بفكرة مسلسل وراء الشمس ومايريدنا أن نتعلم  من دمج الأشخاص المعوقين وأصحاب الاحتياجات الخاصة وكيف يكونوا إذا منحناهم الحب والرعاية أشخاص فاعلين ولكن للأسف لم يتعلم صبية الحارات والبعض للأسف من المبدع الكبير بسام كوسا سوى كلمة وعليكم رحمة السلام وبركاته  وهي طبعاً من شخص مصاب بالتوحد ويعاني مشكلة بالنطق بينما شبابنا والأولاد يستعملونها دون وعي إنها رد لتحية الإسلام ولم يعجبو بأداء بسام ولا بتجسيده للفكرة الرائعة بل أعجبوا بطريقة كلامه ورده  على السلام وأصبح الشارع وللأسف يقول سلبناها عليكم ويأتي الرد وعليكم رحمة السلام وبركاته وبس وشكراً للدراما مدري شكراً لثقافتنا وتربايتنا وشكرا لتلقينا الأفكار وشكراً لنشرها بالشارع وكل رمضان وأنتم بخير ومالح قول سلبناها عليكم لح أبقى قول السلام عليكم وأتمنى الرد من الجميع وعليكم السلام ورحمة الله  وبركاته