المحاورة بين شخصين عربيين
ش : يا زلمة صرعوني أهلي بالنق مشان دراستي !!
أ : اي معلش, اهلك وخايفين على مصلحتك..
ش : قال ابي كان دايماً يطلع الأول !
أ : ماشاء الله, لازم معناها تشد حيلك وتطلع متلو..
ش : وأمي قال دايماً كانت تطلع الأولى !!
أ : الله أكبر, هاد حافز اكبر الك للتفوق !!
ش : لك وخالاتي وخوالي, وعماتي وعمومي كلهن قال كانوا يطلعوا الأوائل !!
أ : يخزي العين, عيلة متفوقين
ش : لك وابوه لرفيقي قلو لابنو انو كان يطلع الأول, وامه, وخالاته وعماته كمان, نفس اللي عم يصير بعيلتنا
أ : بتعرف ؟؟ حتى انا عيلتي هيك يا زلمة, بس دخلك ما استنتجت شي انت من هالوقائع هي ؟؟
ش : شي متل شو ؟؟
أ : انو موت وأعرف مين كان يطلع الطشّي على أيامهم ؟ قوم نلعب شدة قوم, وابقى قول لولادك انك طلعت الأول
الطشّي: كلمة عاميّة تدل على صاحب المركز الأخير