صباح الخير للكل
وصباح الخير لكل من يهمه امر بلدنا الغالي سورية
كتبت هالمدونة بعد ما انصعقت بجواب
مسؤول رفيع المستوى بوزارة السياحة
والقصة كالتالي
من فترة طلب مني احد الأصدقاء من
الجاليات الأجنبية الموجودة معي بالسعودية
فحبيت اني طلع صورة سورية بأحلى شي
وقلتلوا انطرني لبكرا بجيبلك معلومات عن سورية مطبوعة
وانا كل فكري الجأ لموقع وزارة السياحة السورية الألكتروني
ودخلت طبعاً الموقع كلو كتابة وكتابة وكتابة
وفيه بعض الصور اللي لا بتقدم ولا بتأخر
المهم لجأت لغير مواقع لجمعت بعض
المعلومات والكثير من الصور
بس ما تركت الموقع الا بعد ما كتب رسالة لوزارة السياحة
انو الموقع يفتقر لمعلومات مصورة وطبعاً
هالكلام من شي شهرين ومتل العادة طناش بطناش
ورجعت بعتت الرسالة التانية كمان طناش بطناش
ولما بعتت الرسالة الثالثة وكان فيها بعض
الكلام من اللي بينقال بسوء الهال
طبعاً من شهرين الأيميل مبعوت
ومن شي يومين لوصل الرد
اجاني الرد كالتالي
عزيزنا السيد عمار نشكر لك اهتمامك
بموقعنا ونحن في طور التحديث لكن من اهم الأسباب
التي تعوقنا هي حجم الموقع
واي زيادة بالصور يتطلب منا زيادة حجم الموقع !!!!!!!! وبس
هلئ بربك عزيزي القارئ لما بتقرأ هالكلام
ما بتفكر حالك انو هاد الرد طالع من
موقع شخصي لواحد عندو موقع
لبقالية او معرض ملبوسات بمخيم فلسطين
مو موقع لوزارة ايراداتها لغاية شهر 9
ايلول سبتمبر الماضي 3 مليار ليرة سورية
علماً استضافة الموقع بحجم 1 جيجا تكلفته 18 الف ليرة سنوياً
واظن افخم موقع للصور ما بيحتاج
اكتر من 5 جيجا يعني بتكلفة 90 الف ليرة سنويا
انا وقف مخي لهون والباقي عندك يا مدري مين
واللي بدو يشوف الموقع المعتبر هي الرابط
http://www.syriatourism.org/
