Search:
Advanced Search
Posted: 29/1/2011 - 5 comment(s) [ Comment ] - 0 trackback(s) [ Trackback ] - 1 Votes

 

 
 
               دخّني0
دخّني يا حلوة الحلوات
                           وعطري بأنفاسك الغيمات
طالع ع بالي حوّش بساتين
                            قطر الندي والعطر والنهدات
            
بحسد أنا بايدك السيكارة
                             بتولّع بقلبي جمر نارة
ريتني بدالا لأعمل زيارة
                            للتــــــم والشــــــفات
           
بتدخني بايدك الأركيلة
                           وع صوتها يا حلوتي تميلي
مسحور فيها ما إلي حيلة
                             غير صحوة السكرات
بتدخني وبتقعدي قبالي
                           منظر جميل يهيج خيالي
والقمر عنك فوق بالعالي
                            بيوشوش النجمــــــــات
             
عاشق أنا التدخين من شانك
                               والله وجذبني سحر دخانك
حلمي شي ليلة بين أحضانك
                               ندخن سوى ونبــــــــــــات
 
 
              
 
Delicious Digg Facebook Fark MySpace