Search:
Advanced Search
Posted: 16/3/2010 - 11 comment(s) [ Comment ] - 0 trackback(s) [ Trackback ] - 0 Votes

ياريت المشاعر الحلوة ما تنتهي وياريت هل الأحزان كل تنطفي

ياريت نبدل القلم الحبر والورقة ياريت نكتب بقلم جديد حبر جديد

وورقة جديدة

الدنيا بدت عام جديد ياريت يكون جديد متل قلب عم يخفق بالحب

لأول مرة متل ريحت تراب عانقه أول شتا متل أحساس أول لمسة أول قبلة وأول ضحكة

ياريت ننسى الأسى ياريت نقول للغيمة تمطر... ع الوردة

ياريت نقول للوردة تتفتح ....ع المخدة

ياريت نقول للوردة ترتاح ...ع خدي

ياريت تحط خدك ...ع خدي ونغفا سوا ع نسمة هوا

مبللة بقطرة مطر ومحروسة بعطر وردة

ياريت الفرح محصن بألف سور وسور،وحرقة غيابك ما تنطفي

كأنها جمر...كأنها حطب عم يحتمي من تلجة جفا بقلب تنور

ياريت... مافي قلم ولا حبر ولا ورق

ياريت مافي زمن كان الي بدا... بقي

وكان الي انتهى........ماانتهى

ياريت........!!ياريت  

 

...

Delicious Digg Facebook Fark MySpace