بالشارع الاسود مشيت
الدني ليل
بالعتمه ما بشوف لبعيد
بسمع
صوت الماضي
زكريات رجعت
والخوف بلش يلاحأني
ما فيي اهرب
ولا فيي ابقى
هون
بهالشارع انسرقت
هون  اوجعت
هون بكيت وبقيت ابكي سنين
شو صار وقتا
ليش ضعفت وسلمت حالي
ليش ما كنت اقوى دافعت وقاومت
:(
شو نفع الندم هلأ
هون بهالشارع الاسود
سرقتي قلبي
سرقتي روحي
سرقتي حياتي
هون بكيت اد ما حبيتك
وعالارض غفيت شو ذنبي حبيتك
شو راجع اعمل هون
بيكفيني وجع وعذاب
مو راجع دور على قلبي اللي انسرق
راجع بقلب جديد
ناطرك تسرقي من جديد

في مرة كنت اعد بغرفتي
عم اتأمل سمكتي
سمكتي بدلعا كتير
بحبا
وبهتم فيا كل يوم
شالوها من البحر ضحكوا عليا
قالولا : هاد عالمك الجديد بيشبه البحر
شوية بحص ورمل وصدف
عالم مزيف عيشوها في غصب عنا
وكتار متل  هالسمكة بس الفرق
انن هن اختارو هالعالم المزيف
اختاروا يعيشو الكزبة
يقنعوا حالن انه عالمن غير عالمنا
يقنعوا حالن  انن هن احسن منا
بس بكرة بيمرأ الوقت وبترجع بتظهر الحقيقة
ما حدا بيبقى مخبى
خلينا نحب
نحب بكل صدق
بكل شفافيه
من دون مصلحه
من دون اقنعه
نحب
ونخلي العالم تخبنا متل ما نحن
 

بعد حرب دامت سنين
شردت ولاد
وهدمت مدن
صار وقت يرجع المحارب عالبيت
خلصت الحرب والاهل بانتظاره
بعت رسالة بيطلب فيا من اهله السماح بأنه يجيب معه عالبيت صديق كان معه بنفس الخندء
وشرح لاهله انه هالصديق ما عنده بين ولا اهل يرجع لعندن كان ضحيه الحرب خسر ايده  وخسر رجله بس ما خسر صديقه
اهله ما تقبلو الفكرة ورفضوا يستقبلو بالبيت
كيف بدن يهتموا فيه كيف بدن يحضنوا كل هالسنين ... لاايد.. ولا رجل ...
القرار كان واضح ... ترجع لحالك عالبيت او ما ترجع
وانقطعت الاخبار
والاهل مشغول بالن
وينه
كيف عم يقضي ايامه
وبيوم من الايام  تلقى الاهل دعوة لافتتاح اكبر متجر بالبلد
واتوجهوا بيوم الافتتاح واتفاجئوا لما عرفو انه!! ابنن هو صاحب هالمتجر
الفرحه كبيرة بقلبن
صاروا  يسألوا عنه بدن يشوفوه سنين مرئوا وما بيعرفو عنه شي
صار رجل مهم
مركز
مال
فخورين في
ولما عرفت امه وين المكتب
دخلت لعنده
اتفاجأت!!!!!
ركعت عالارض
دموع بعيونا
ابني ...... حبيبي......
وين ايدك ؟؟؟
ايدك اللي كنت ترسم فيا
وين رجلك؟؟
رجلك اللي كنت بوسا انت وصغير
راحوا :(
ياربي سامحني
 

مين انت ؟؟؟
مين انت لدخلتي حياتي هيك؟؟
شو بدك مني ؟؟؟
كنت نايم كل العمر
ليش فيئتيني وخليتي قلبي يبكي؟؟
انا ما عدت انا
صرت اشتاء
صرت احلم
جن دوب
وابكي :(
صرت بايدك طفل صغير
ليش اخترتيني انا
ليش ما تركتي قلبي حجر
بخاف يرجع حجر
بخاف ما عود احلم
بخاف عيوني توقف بكي
بخاف ايدك تتركني
انت اللي علمتيني كون كبير
واكبر حدك
كون قوي
شجاع
واقوى بحبك
واتحدى العالم