شو رأيك بالخيانة ، وايمتى بتصير الخيانة خيانة مشروعة

الحقيقة موضوع الخيانة موضوع معقد ومهما حكينا عنو مامنقدر نحدد ايمتا بتكون الخيانة مشروعة وايمتا بتكون غير مشروعة بس ياترى فعلا هل ممكن تكون الخيانة مشروعة سؤال مهم؟

لح بلش انا برأيي الخيانة بشكل عام مرفوضة وكل التسميات انو مشروعة ومسموحة بس بشروط هاد كلو غلط لانو بضل اسما خيانة وانا برأيي اذا الواحد بدو يتصرف بهالطريقة لا الاحسن انو يكون صريح بالشي يلي بدو يساوي ويخبر عنو احسن ما يعملو بالسر وتصير اسما خيانة

برأيي في بعض الحالات ممكن تكون الخيانة مشروعة

معلش فادي تعطيني مثال ايمتى بتكون مشروعة؟؟؟؟؟ برأيك

انا مالي مع الخيانة ابدا بس في ظروف بتخلي الرجل او المرأة انو يضطر يخون ومايقدر يصرح بالشي يلي بدو ياه

ممكن اتخيل حالة معينة
تخيلي انو رجل متزوج من امرأة وهي الامرأة صار عندها مرض معين بيمنعها من اداء واجباتها الزوجية كيف رح يكون موقف الزوج يلي بحب مرتو بس بنفس الوقت مابيقدر يمارس حقوقه الزوجية ومابيقدر يقلها انو بدو يتزوج عليها وخاصة اذا في ولاد

وحتى لو تزوج مابيقدر يعلن هالزواج فهل هالشي برأيك خيانة

الخيانة شيئ جميل!!؛؛نعم جميل!!؛؛لم العجب؟؟
نستهوي قلوب الضعفاء،نلعب بعقول البشرنحول قلوبنا الى اسواق وبضائع للبيع
فلم نخون ؟؟.... ان سئلنا نقول
شو مافي حاجة اسمها حب في هاد الزمان يا زلمة..... شو اهبل انت
اومزاجي عاجبك اهلا وسهلا موعاجبك حل عن ربي
اوهي الدنيااما قاتل او مقتول
ثم نخون ونقول ان الخيانة اقبح ما يكون
ولا يمكن ان يتغير معنى الخيانة مهما تعددة التسميات
لان الخيانة قد تكون بمجرد نظرة من العيون
سحقا لنا ولعنة على الخيانة،، وان سألتموني فسأقول الخيانة أجمل مايكون

ولكنني لن اخون

ولن اخون