حبك حتى بدون ماأتعرف على ملمس ايدك.. بحبك حتى بدون ماشوف بسمتك على الحقيقة..حبيبي هل رح نلتقي بيوم من الأيام؟
هل شي يوم رح بمسك ايدك ونروح لعالم كلو حب.؟ هل حنلاقي حالنابيوم متل كل هلعشاق؟
هل رح تتمكن اصابعي بيوم انو تلامس شعرك..؟!
رح عيش بانتظار هليوم ياحبيبي...

انا مابحكي  بس لما بضعف عيوني وحدا لي بتحكي...ولمايبلش عقلي يهرب من عيوني لاحساسي ...ببلش يوصل احساس بلدفا وقوة مشاعر تجاهك انتي من قلبك لقلبي... بيوصل هل الاحساس وبتتواصل النظرات الي منسرقا سرقا انتي وانا ...ولما بتجي لعندي بتتحججي بسؤالك ...شوحلو هل الاحساس شوحلو لما نكون عم نتعامل انا وانتي مع بعض بلغة غير كل اللغات ولما نعبر باحساسنا  ونظرة عيونا الي منسرقا سرقا ولما برجع لافتح صفحات مرقت من يومين او  اكتر وبفكر بلي صار وبكتشف كلشي صار بيناتنا هو قدر عم يتحقق ...كلشي عم يصير هو ضرب من الخيال واحساس عم يجمعنا...احاسيسي بتبلش تكبر بكل لحظة بفكر فيكي ..اعصار من الرهبة اول لحظة بلاقيك ..مرات بحس حالي خايف ومرات عم املك الزمن.. واديش انا شاطر بالحكي اسمعك انت ههه مابعرف احكي بحس لساني مرات عم يخوني لما بدي احكي شي بقلبي ولما بشوفك قدامي يمكن مرات ما اقدر حتا اني ابتسملك... واترك الصراع بين عقلي ولغاتي وتصرفاتي...مابعرف  ليش لما بشوفك بحس بعيوني عم تشع وتلمع وعم ضوي المكان الي انا فيه ..حتا امالي وامنياتي بتكبر مابعرف ليش بضيع وقت بشوفك وبدوب وبحس اني مرات مابعرف احكي... هاد كلو لما شوفك ...لما بشوفك بفقد القدرة اني شوف كل الي حواليي لانك انت اللي معي بابتسامتك بحركاتك...لما تغيب عني لحظة بينشغل بالي عليكي  ونظراتي بدور عليكي وبصير بفكر بكل قطعة بحبها فيكي انت.....شوبحب عيونك شو بحب وشك شو بحبك وكل لحظة وكل تصرف منك بحبن..مرات بحس انو كل اللي حوالينا بيعرفو اني بحبك.. شو بحس انو كل الي حولنا بيعرفو اني بعشقك..شو بحس انو الكل عم يشوفوكي ويشوفو صورتك بعيوني..وبرتبك لما بطلع عليكي مرات بستحي من لهفتي عليكي ومرات بستحي من مراقبتي لخطواتك خطوة بخطوة..وبخاف مرات حدا يفاجئني وانا عم اطلع عليكي وعم راقبك...بخاف حدا يسمعني وانا عم نادي اسمك وعم قول كلماتك يلي انتي علمتيني ياهن بس لي بيحيرني  اني لما بشوفك بتصير حياتي احلا واجمل والجمال بكون هو كل حياتي جاوبيني وقوليلي ليش عم حس هل الاحساس....تتذكري يااااقطرات الندى لما كانت عم تزت حالا بكل مكان لما كنا قاعدين وحدنا عم نحكي كانت عم تمنع الغبار انو تعكر صفو قعدتنا ..تتذكري لما كانت النجوم عم تصنع من حالها عقد لتحمل القمر كرمالنا ليكون رفيق الك والي بسهرتنا لما كنا سوا تتذكري لما كان اليل يبعتلنا نسيمو ليبعد عنا حرارة الفراق تتذكري لما شو كتب قلبي وشو ترحمت حواسي ونظرات عيوني تجاهك حبيبتي انا بعرف انك مارح تتذكري لانك ماكنتي معي بوقتا...بس وقتا كنت احلم انك تكوني جنبي

...تــــعلقت فيك...
ودايما بشوفك بأحلامي ودايما بيبين بملامحي الحب
الحب وكل عناوينو وبيسألوني عن شعوري وعن مشاعري وبضيع بين السؤال والجواب
وبقول أنو أول ماشفتك ..قلبي تعلق فيك
بقلن أني شفت عيونك وحبيت ألبك وطيبتك وحنانك وهنن يلي علقوني فيك...
حبيت فيك كل شي..تعلقت فيك..فـــيك لكلك تعلقت فيك وبشفق على حالي
لما بشوفك مو أنا يلي بكون ناطرة شوفتك...
روحي هي يلي بتنطر وقلبي يلي تعلق فيك ..
شفت عيونك وحبيت قلبك بخاف يجي اليوم يلي بيبعدك عني ويقوم يدمرني ويقضي على كل أحلامي
 بخاف بعد ماتعلقت فيك تمشي وتتركني لحالي تمشي وماتقدر تعلمني مثل ماحبيتك وتعلقت فيك قبل ماتمشي ..لازم ياروح معك ياروح معك لأني مارح أقدر أتعلم بيوم من الايام كيف عيش  بعـــدك
 بــــحبك ..ورح ضل بـــحبك

<<<لـــيش منــحب حــدا مابـــحبنا>>>
لما تغيب الشمس ةالليل يرخي ستايرو علينا ببلشو الناس يفوتو عالنوم ..
ببقى انا وبقعد عالشباك يلي بغرفتي ويلي بيطل عالشارع العام وبفكر..وبفكر
وبسأل حالي ليش منحب حدا مابحبنا ...ليش..ليش يلي بحبونا بيجرحونا
ولأي سبب بنركض ورا حدا مابحبنا .كــيف؟؟...كـيف بيتركونا تنعذب كرمالون؟؟؟
ولأي سبب بكون العذاب دائما من نصيب المحبين ...
ولأي سبب بيكون الفراق صعب ل يلي بحب...هي الاسئلة دايما بسألا  لحالي كل يوم
هي الاسئلة صعبة وبعرف انو اجوبتها اصعب وبتكبر كل مازاد الحب
وكل مازاد لامبالاة الحبيب...
لامبالاتك انت ..وبتبقى الأسئلة المطروحة لـــيش؟؟ وكيف؟؟ولأي سبب..؟
وبنص حرقة الدم والالم وبين انهيار الدموع وبوسط لحظات الحزن والعذاب ..ولما تبدا تنطفي الشموع
وباجواء كلها مشاعر وبين نظرات بتعني الكتير...وبنص الصمت الرهيب يلي ابلغ كتير من الكلام وبين الآهـــات وحرقة الجروح
...كانت لحظة الرحيل قررت احمل حالي وروح
كـــانت لحظة الفــراق..
كـــانت لحظة رحيل الأحبة
رحيل اغلى الناس..
بالوقت يلي بتحس بنار عم تكوي اعمــاق اعماقك
هنن راحو لأنو انطوت بين جوانبن فترات طويلة ...انطوت ايام كبيرة وذكريات اكتر..
حتى ولا يوم من الايام ممكن بلحظة فارقك وتفارقني
بوقتا رح بتلاقي أنو كل كيانك عم يرجف متل رجفة النخيل بوجه الريح
ولما تتمزق من جواتي حتى تلاقي ...وتبلش اشلائك عم تطير قدام  عيونك ,ونار عم تاكل الأخضر واليابس
وتخلي قلبك طعم هش مابيسوى شي..
لما بيكون الفراق هاد هو قدرك وبحياتك,
بتدبل الورود وبتصير اقرب الناس لالك تقلك:..ليش عم تعذب حالك وكرمال مين؟؟؟
ولما يصير ضو القمر بعيونك باهت ما ألو لون ..ولما بتدبل الورود وتصير رماد
ولما تتعالى صيحات األم من قلبك وتضرب البراكين والزلازل بقلبك بدون ماتقدر تعمل شي
وتصير طرقاتك كلها محاطة بالشوك ..
ولما يصير الهدف خارج المنال ولما قلوب الناس تتعذب وتتوقف عقول الناس عن التفكير
ولما تنشل ايدين الابداع لسببك انت
وانت مـــــاعــم تــحس
 حتى الكلمة تغيرت وحتى المعاني وحتى عيوني تغيرت
تغير شكلي وقلبي بلش يتغير
وتتسارع نبضات قلبي ساعة بعد ساعة
لما اتذكر بقول اديش مستحيل أنو تجيني منك رسالة ,
صرت لحالي عم اتامل على شباك غرفتي الطرقات والسارات وماأتأملك انت...و
وأحسد كل حدا ماشي مع حبيبتو ..حتى معك صرت احلم اني كون معك واحلم اني اشي معك ...وأنــــت مــاعـم تــحس
بعرف انو يمكن تكون عم تحس بس ماهمك
ويمكن انا مابهمك ويمكن تبكي علي ...بس لما تبكي وقتا دمــوعك مــارح تنفع

      تعــــــلقت فـــــيك
بخاف...
بخاف اتعلق فيك وانا تعلقت ...بخاف اتعلق فيك..ويا تعلقي اديش عم يسهرني وياخوفي من تعلقي فيك
ياخوفي من الايام والدقايق وكل ثانية...بخاف حبي الك يكبر و..يكبر بخاف حبك واتعلق فيك اكتر ومن بعدا تروح ..واتعذب اكتر بعد ما تروح
وبخــاف بالاخر أخسرك..و..مابدي أخسرك
مابدي اخسرك ولابدي تنطفي شمعة حبي الك قبل ماضويني
بــــدي يـــاك دايما حدي ...حــدي وبــعمري وبــقلبي..بدي تكون شمالي ويميني وتكون بقلبي وبين ضلوعي
شوبخاف بعد ماتعلقت فيك ..تبعد واخسرك
بدي حبك
بدي اعشقك
بس خوفي عم يعذبني ..مرات بيبعدني عن المشاعر ومرات بحس بدي اهديك كل كلمة قولا ..
بدي حبك لطول العمر وتكون حبيبي ياعمري وروحي بحبك مــــوت وتـــعلقت فيك  لحد الموت..
عم قولا بصوت واطي كتير بخاف يسمعني حدا "أشــــــتقتــلك"