بحث
بحث متقدم

 

عزيزتي فيروز...
كنا حابين نخبرك أنو جسر اللوزية فجّروه.
و دروب الهوی انقطعت... لأنو في دواليب شاعلة.
و ما عاد عم ينطّرونا عمفرق دارينا... هلأ عم ينطّرونا عالحاجز اللي قبله.
... و طريق النحـــل ما عاد حدا عم يسترجي يمشي عليه خوفاً من شي عبوة ناسفة... أو شي قنبلة صوتية.
و البوسطة يلي كانت تنقلنا من ضيعة حملايا لضيعة تنورين عم تروح فاضية... لأنو العالم ميتة رعبة من طرقات الس....
..فر.
و صرنا بدل ما ن
سمع صوت المهابيج ... عم نسمع صوت آر بي جي و بي كي سي و هاون و رصاص و روسيات.
و السيارة مش عم تمشي، لأنو ماضل معنا حق بنزين.
و القهوة اللي عالمفرق سكرّت... و صرفت الشغّيلة.
و جوزها لأم سليمان ما طلع عم ياكل رمان بالحقلة... طلع مخطوف... وأم سليمان باعت اللي فوقها واللي تحتها لحتى تطالعو.
و بعد ما ضاع شادي، استشهد أحمد و جورج و عمر و علي و طوني و اسماعيل و حسين.
و ما عاد فيكي تقطفي ولا زهرة حمراء...
لأنو الزهر اصفَرّ من خجله قدام دموع الأمهات، ويبس لأنو المي مقطوعة متلها متل الغاز و المازوت و البنزين.
لذلك...
أنا قررت آخد هالناي و غني... بلكي هالعالم تصحى بقى...
و تتذكر أنو سوا ربينا.
اااااااااه شو صار بالشام يا فيروز
Delicious Digg Facebook Fark MySpace