بحث
بحث متقدم
Category: حياة
 نعم ...لأنها أمي
نعم .. لأنها أنجبت إخوتي
فيهم الطويل و القصير
فيهم الخجول و الجريئ
فيهم الحنون و القاسي
فيهم المسؤول و المستهتر
فيهم التقي و الفاجر
فيهم العفيف و المختلس

نعم ... لكنهم جميعاً إخوتي و أفتخر بهم و أحتاجهم و أنتمي إليهم 


أحبك سوريا

Category: حياة
 سلامي إلى كل أهلي في تراترو و لا أعرف إن كنت سأجد من أهلي القدامى أحد فقد مضى عامان على آخر تواجد لي ظروف صعبة مررنا بها جميعاً جعلت منا أسرى همومنا و مشاكلنا و مصيبتنا الكبرى في وطننا و شعبنا و أهلنا الذين يقتلون و العالم فرح يتفرج و يشاهد السوري يقتل السوري فكيف لا أغيب
Category: دين

 بسم الله الرحمن الرحيم
السلام عليكم ورحمة الله وبركاته
معضلة في الرياضيات لعلي بن ابي طالب رضي الله عنه
إنهامعضلة في الرياضيات محيرة للعقول !!
كان هناك ثلاثة رجال يمتلكون 17 جملا عن طريق الإرث بنسبٍ متفاوتة
فكان الأول يملك نصفها، والثاني ثلثها، والثالث تسعها
:وحسب النسب يكون التوزيع كالآتي
الأول يملك النصف (17÷2) = 8.5
الثاني يملك الثلث (17÷3) = 5.67
الثالث يملك التسع (17÷9 ) = 1.89
ولم يجدوا طريقة لتقسيم تلك الجمال فيما بينهم،
دون ذبح أي منها أو بيع جزء منها قبل القسمة
فما كان منهم الا أن ذهبوا لعلي (رضي الله عنه) لمشورته وحل معضلتهم
قال لهم علي (رضي الله عنه) :
هل لي بإضافة جمل من جمالي الي إلى القطيع ؟؟
فوافقوا بعد استغراب شديد !!
فصار مجموع الجمال 18 جملا ، وقام علي (رضي الله عنه) بالتوزيع كالتالي :
الأول يملك النصف (18÷2) = 9
الثاني يملك الثلث (18÷3) = 6
الثالث يملك التسع (18÷9) = 2
ولكن الغريب في الموضوع أن المجموع النهائي بعد التقسيم يكون .. 17 جملا !!
فأخذ كل واحدٍ منهم حقه
واسترد الإمام جمله (الثامن عشر) !!
(رائعة من روائع علي ..رضى الله عنه )

Category: شعر

 سلام لكل الأخوة و الاخوات بتراترو الغاليين


على هذا تعاهدنا

نعم لكنك خنتِ


تواعدنا بأن نبقى

أجل لكنك رحتِ


حلفنا العهد أن نصدق

و خنت العهد كذّبتِ


تحالفنا على الأحزان

مع الأحزان قد خنتِ


وعدتيني بأن نحيا

نعــــم لكنـــك متِ

 

 

بشار الدمشقي

Category: حياة

بسم الله الرحمن الرحيم

مرحبا يا أهلي بتراترو مشتاقلكم كتتير

 

هلأ الموضوع إني بعد حادث صغير أدى لكسر برجلي ،مو المشكلة طبعا بالكسر المشكلة إنو بأعلى رجلي

 

إضطر الدكتور يجبرلي التنتين و هيك يا أصحاب الجلالة قعدت بالبيت بمعنى تاني بركت أو انشليت

 

لك ولييييييييييي  أنا أقعد بالبيت  ... يا لطيف ...  و هلأ ...  بهالفترة  .... بهالمرحلة الحساسة

 

و أديش الوقت 25 يوم لحتى 40 على حسب حاجة التجبير

 

هلأ أول كام يوم ما بعرف حالي  كرهان خيالي

 

عم خانق دبان وشي متل ما بيقولوا

 

ممنوع إني إقعد لازم ضل مستلقي هيك الدكتور الفهمان وصاني

 

معلوم شو فارقة معه مو هو اللي رح يقعد

 

بالأيام التانية إكتشفت عدة شغلات

 

نعمة الكمبيوتر و ا لإنترنت يالله شو نعمة

 

نعمة إنك تكون شب بمجتمعنا تطلع و تفوت على كيفك

 

حسيت بحالة البنت المحبوسة بالبيت مشان أخ أو أب أو زوج غبي لا بيرحمها و لا بيخلي رحمة الله تنزل عليها لا بيطالعها و لا بيخليها تطلع مع غيره

 

نعمة الرجلين نعمة المشي

نعمة النوم على جنبك

لك نعمة حك رجلك ... الحك ... هادا قضية لحاله ... تقولو جربت

نعمة الدوش يا الله

نعمة السباحة

لك يا جماعة ....  نعمة إنك تقعد .... أديه بسيطة

و شغلات كتير الله لا يدوقكم إنكم تخسروها

 

بلحظتها قلت يا ريت تكون كل مشاكل الشغل مع بعضها عندي و قوم

 

مالكم بالطويل استغليت باقي الأيام بالقراية و الحمد لله قرأت كتير

 

و حسيت أديه كنت ناسي الكتاب ..... خير جليس

في عندي كتب شاريها من عشر سنين ما قرأتها لهلأ

 

قلت لحالي لو إنو الأفكار اللي تعلمتها من هالكتب تعلمتها لما اشتريت الكتب شو كان صار

 

و الحمد لله تحسنت و صرت بعدين عال العال و اكتشفت إنه حتى هالحادث كان خير إلي

 

الخيرة  فيما اختاره الله

 

شكراً كتير لمروركم سلفاً

 

أخوكم

بشار الدمشقي

Category: حياة

بعتذر من كل حبايبي بتراترو الغالي

 

آسف كتير على غيابي غير المتعمد و اللي كان بسبب حادث صغير

 

اشتقت للجميع و رجعتنا قريبة

 

خلونا بالبال

 

 

أخوكم بشار الدمشقي

Category: شعر

ما أتمناه يا حبيبتي

جزيرة خضراء ، ملئت أرجاؤها الزهور ، البحر الهادئ حولها لونه أزرق سماوي

السماء فوقها مزينة بقطع غيمة بيضاء ، و لا تغيب عنها الشمس

جزيرة لا يرها من البشر سوانا ، و لا يصل إليها جن و لا شيطان

جزيرة لم يعرف مكانها سوانا و بعض العصافير

صوت تغريد عصافيرنا حبيبتي منخفض و نسمات جزيرتنا خفيفة مترددة

عشبها أخضر لا يندى و لا يخشن

نجلس فيها وحيدين لا نرتدي سوى الحب و الصدق

معظم كلامنا الصمت و النظر في العيون

و رقصنا فيها إحتضاننا
 

بشار الدمشقي

Category: حياة

بسم الله الرحمن الرحيم

أول شي خلوني قول إني بحبكم جميعاً و ما شاء الله غبت شوي و رجعت لاقيت إبداعات تعبت لحتى قدرت مر على بعضها بس

 

هلأ هيك خطر ببالي شغلة

 

ليه ما بتكون كمبيوتر؟

  

مو إنت يا إنسان إخترعته أساساً

 

//////////////////////

 

خلي نغمة إقلاعك لما بتصحى حلوة و رايقة و خاصة فيك

 

------------

 

خلي سطح المكتب تبعك أو الواجهة بخلفية رائعة مو سودة

 

--------------

 

شو رأيك تنسق محتويات جهاز الكميوتر فيك و ترتبها على حسب المجال يعني لما

تدخل على مجلد البيت شو رأيك تسكر مجلد العمل و لما تروح مشوار حلو شو رأيك

تعمل إغلاق لكل شي مفتوح

 

--------------

 

لما بترتكب أي خطأ مع أي حدا ببساطة عميل 

 

Ctrl + Z

 

و اعتذر لا تخاف تعتذر

 

----------------- 

شو رأيك تعمل تنصيب لبرنامج مضاد فايروسات متل الحب و الإيمان و الحكمة لحتى ما

يقدر أي فيروس إنو يخرب عليك حياتك

 

---------------

 

شو رأيك تحط جدار حماية من خلال الصراحة و الصدق مع كل اللي حواليك

مشان ما يقدر أي هكر إنو يخترقك و يتلاعب بحياتك

 

----------

شو رأيك تعمل داونلود لبرنامج محادثة تقدر من خلاله تتواصل مع الناس

و يكون هالبرنامج مليان إبتسامات لحتى تكون مميز بين صحابك

 

----------

 

شو رأيك تستعمل زر

F1

و تطلب المساعدة من اللي صنعك  كل ما صعب عليك شي

 

--------

شو رأيك تسعتمل

Shift+Delete

لحتى تحذف أي شي ممكن يسيئ لحياتك حتى لو كان ملف

مهم بمرحلة ما تخلص منه  بما إنو ما خانك حذف نهائي

 

----------

 

أكيد حذفت ناس كتير من حياتك بنصحك تستعمل برامج

إستعادة الملفات اللمحذوفة و ترجع الناس اللي تركتهم بظروف معينة

و لساك بحاجتهم

 

--------

 

دائماً خلي ضمن قوائمك إضافة ملف جديد و خليك قادر على إستيعاب

ملفات إضافية لأنو الأصدقاء أكبر كنز ممكن تللاقيه

 

---------

مساحة التخزين عندك كبيرة الهارد ديسك

ليه تخليه فاضي

كل يوم تعلم شي جديد

------------

هلأ إذا كتير تعرضت لضغوط بحياتك ببساطة بقلك

عميل ريستارت و بترجع بتتنشط من أول و جديد  و لا تخلي حالك معلق كتير

 

------------

كمان عن  جديد خلي نغمة إغلاقك حلوة متلك مشان اللي قدامك يستنى

بفارغ الصبر إقلاعك

 

////////////////////

 

يمكن كترت عليكم بس شغلة خطرت ببالي شاركتها مع حبايبي

 

 

 

أخوكم

بشار الدمشقي

 

 

 

 

Category: حياة

بسم الله الرحمن الرحيم

 

أول شي كل عام و انتو بخير و يا رب تكونوا كلكم بخير و سعادة

 

هلأ لو سألتك شو يعني إنك عربي  سوري

 

1: إنت من بلد عربي و البلاد العربية كانت و رح ترجع أم الحضارة

 

2: إنت من بلد فيها كل أحوال الطقس يعني ممكن تتمتع بجمال التلج و بروعة ليالي الصحراء

 

3: إنت من بلد ممكن تشوف فيها كل أنواع البشر من كرم البدوي لحضارة المدني

 

4: إنت من بلد متنوع التضاريس يعني بتحب الجبل بتلاقيه و بحب البحر بتتمتع فيه

 

5 : إنت من بلد شعبه كريم و إنساني  يعني بتروح أي مكان ما بتخاف لا من قطاع طريق و لا من أزعر

 

6 : إنت من بلد تنوعت فيه الحضارات و الأديان فبالتالي تنوعت  ثقافتك

 

7 : إنت من بلد بيسمح لأي عربي بالدخول بدون فيزا أو تأشيرة يعني رح تقدر تشوف كل إخوانك العرب

 

8 : إنت من بلد ممكن نسميه جمهورية الحب العربية لشدة إنتشار هالكلمة فيه

 

9: إنت من بلد ما بتعطش فيه

 

10 : إنت من بلد ما في أحلى من بناتها و لا أرجل من شبابها

 

و الله صعب نحصي محاسن سوريا

 

بحبك يا سوريا

 

 

أخوكم

بشار الدمشقي

Category: حياة

لا أظن أنني برسالتي هذه سأفيدكم علماً أو أدباً أو سأخبركم خبراً

و لكنني أحببت أن أخبركم أن غيابي بداعي السفر

و أنا في عمل سينتهي بعد عشرة أيام في المملكة العربية السعودية

و أحببت أن أشكر كل الذين لاحظوا غيابي 

و على وجه الخصوص الأخت الغالية

Hala Hala

تحياتي إلى الجميع و أعتذر على غيابي

 

أحبكم جميعاً

أخوكم

بشار الدمشقي

Category: حياة

 

أمثال شعبية
هلأ أول  شي لا تواخذوني لأني كتبت الأمثال متل ما سمعتها من الختايرية و الناس اللي شفتهم و عرفتهم بغض النظر عن قناعتي
أنا بأي متل من هالأمتال و لا تواخذوني إذا الموضوع طويل بس بتقدر توقف إيمت ما بدك ،  حبيت حط كل
 الأمتال اللي بعرفها متل المرجع يعني
و طبعا هذا مو كل شي هاد اللي قدرت إجمعه إتحفونا إنتو بقى
 
خلونا نبدا
 
 
 
1-               شو ما طبخت العفشى جوزها بيتعشى
2-               تي تي تي تي متل ما رحت جيتي
3-               كرمال عين يكرم مرج عيون
4-               ياللي بيشوفني بعين بشوفو بتنتين
5-               الجمل لو شاف حردبته وقع و انكسرت رقبته
6-                مو كل مين صف صواني صار حلواني
7-                لايق للشوحة مرجوحة و لأبو بريص بقاب
8-                صار للدبانة دكانة و صارت تسكر تمانة
9-                 نحنا طيور حرة ما ننصاد بالمرة مين حاول يحبنا مرة منحبه ألف مرة و مرة
10-           البسمار المدقوق ملزوق
11-           قاله مين أدرى فيك قال: ربي ثم جاري
12-           يا ما تحت السواهي دواهي
13-           قاله يا جاري إنت بحالك و انا بحالي
14-           ألف عين تبكي و لا عين أمي تدمع
15-           اللي ما فيه خير لأهله ما فيه خير للغريب
16-           قالوا للحرامي حليف قال إجانا الفرج
17-           سآل مجرب و لا تسأل حكيم
18-           إذا كبر إبنك خاويه
19-           إذا دهرك فرس كون خياله
20-           الولد إذا بر تلتينه لخاله
21-           طب القدرة على تمها بتطلع البنت لأمها
22-           القرد بعين أمه غزال
23-           المنحوس منحوس لو علقوا براسه فانوس
24-           عقل ميت مرة بعقل جاجة خوتة
25-            ذنب الكلب أعوج و لو حطوه بالقالب ميت سنة
26-            أعزب دهر و لا أرمل شهر
27-          الإيد اللي بتنمدلك بوسها و إدعي عليها بالكسر
28-          الحارة ديقة و الحمار رفاس
29-          يا رايح بلا عزيمة ما لك قدر و لا قيمة
30-         إذا أبوك البصلة و أمك التومة من وين بدها تكون ريحتك منظومة
31-         اتجوزنا لننستر اس الله أيام الفضيحة
32-         قاله الحمار ضرط نار قاله سماع و سطح
33-         أهل العريس بطنة و رنة و أهل العروس ما عندن خبر
34-         كل قمحة مسوسة و إلها كيال أعمى
35-         العضة محبة و لو كانت من سنان كلبة
36-         خود من الزرايب و لا تاخد من القرايب
37-         إصبعتي مني و لو انقطعت و عيني مني و لو انقلعت
38-          ضربني و بكى سبقني و اشتكى
39-         المال بيجيب مال و القمل بيجيب صيبان
40-          لا تستنى المصايب إلا من القرايب
41-          قريبك لا تقربوا بيلدغك عقربوا
42-          يا مصفاية ما يعيبك بخش
43-          إذا صاحبك عسل لا تلحسوا كله
44-         الباب اللي بيجيك منه ريح سده و استريح
45-         عصفور بالإيد أحسن من عشرة عالشجرة
46-         اللي بيستحي من بنت عمه ما بيجيب ولاد
47-         العنكبوتة شافت بنتها عالحيط قالت تسلميلي متل اللولية بالخيط
48-         التوم طعمته منيحة بس ريحته فضيحة
49-         إنت اللي بتذوق الثوم بس الناس اللي بتشمه
50-          يا مآمنة بالرجال مآمنة بمي جوا غربال
51-          ياللي متلنا تعو لعنا
52-         جيناك يا عبد المعين لتعين طلعت يا عبد المعين تنعان
53-         كل عنزة معلقة من كرعوبها
54-         كل جاجة حفرت على راسها عفرت
55-         يا غافل إلك الله
56-         جاك الموت يا تارك الصلاة
57-         يا مستعجل وقف لألك
58-         كل شي بحسابه و العدس بترابه
59-         اللي بيعرف بيعرف و اللي ما بيعرف بيقول كف عدس
60-          بعد عن الشر و غنيله
61-          قاعد بحضنا و عم ينتف بدقنا
62-         اللي إيدو بالمي مو متل اللي إيدو بالنار
63-         اللي عم ياكل العصي مو متل اللي عما يعدها
64-         كل مين بياخد أمي بقلو عمي
65-         بدك تاكل عنب و الا تقاتل الناطور
66-         ان نجيت من السفر عطي أهلك لو حجر
67-         ابن الحلال عند ذكره بيبان
68-         انا أمير و انت أمير مين بيسوق الحمير
69-         اللي ما بيخاف من الله خاف منه
70-          الأب عاشق و الأم غيرانه و بنتهم بالبيت حيرانه
71-          ابن الإبن إبن الحبيب وإبن البنت إبن الغريب
72-          إذا صفيت النيه اللقمة بتكفي مية
73-          ضروب كلبك بيتربى إبنك
74-          اتفق القط و الفار على خراب الديار
75-          البير اللي بتشرب منه لا ترمي فيه حجر
76-          برغوت قال للبقة يضرب الشرشوح إذا ترقى
77-          البرطيل بيحل دكة القاضي
78-           بيضة اليوم و لا جاجة بكرة
79-           بات مغلوب و لا تبات غالب
80-           بدال خطوطك و الحمرة غسلي وشك يا سمرة
81-           بعد الكبرة جبة حمرة
82-           بعد سنة و شهرين جابت صبي بلا عنين
83-           بده يعرف القار و القرقير و البيضة كيف بتصير
84-           البنت يا جازتها يا جنازتها
85-           بالوش مراية و بالقفا صرماية
86-            بارك الله في من زار و خفف
87-            بحصة تسند جرة
88-            الحكي إلك يا كنة اسمعي يا جارة
89-            البيت اللي ربه مرة كل ماله لورا
90-            بدل اللحمة و البيتنجان هتلك قميص يا عريان
91-            بتقول تور بيقول احلبه
92-            تجوزوا الفقرا كترو الشحادين
93-            تمي أقرب لي من أمي
94-            تغيير الهوا أحسن دوا
95-            تلاتة ما بنتطاق الطق و البق و النق
96-            التعلب شاف العنب عالي قال قلبي من الحامض لاوي
97-            توب العيرة ما بيدفي و إن دفى ما بيدوم
98-            جبنا الأقرع ليونسنا كشف عن قرعته و خوفنا
99-            تلاتة ما بيتخبوا الحب و الحَبَل و ركوب الجمل
100-                      توب الكسلانة مفعوس لا منطوي و لا ملبوس
101-                      الجنة بلا ناس ما بتنداس
102-                      جوع كلبك بيلحقك
103-                      جعجعه بلا طحن
104-                      الجود بالموجود
105-                      الجاجة ما بتبطل كارا لو قصوا لها منقارا
106-                      جوزت بتني لأخلص من بلاها رجعت و جابتلي معاها
107-                      الجنزير و الطوق و لا قعدة مع قليل زوق
108-                      جدي لعب بعقل تيس
109-                      الجاهل لا تطيعه و العاقل لا تبيعه
110-                      الجمل بليرة و ليرة مافي
111-                      حمارتي العرجة و لا فرس أبن عمي
112-                      الحيط الواطي بيعلم الحرامي السرقة
113-                      الحية ما بيبرد دمها لتنفض سمها
114-                      حمار انعزم على عرس يا يزق مي يا يحمل حطب
115-                      حساب بالحقلة و لا قتال عالبيدر
116-                      حبله و مرضعه و شايلة أربعة و طالعة عالجبل تجيب دوا الحبل
117-                      الحجر اللي ما بيعجبك بيفجك
118-                      حضر المعلف قبل ما يجيب الفرس
119-                      حبني و خدلك جمل قلو اذا كانت معدتي ما تهضمك شو العمل
120-                      حشري نزل على جهنم قال الحطب نديان قالوا له احترق و سكوت
121-                      خطبوها تعززت تركوها تندمت
122-                      خذوا البنات من صدور العمات
123-                      الخصلة اللي بالبدن ما يغيرها غير الكفن
124-                      خبز الرجال عالرجال دين و عالأندال صدقة
125-                      خل ببلاش و لا عسل بمصاري
126-                      خمسة ستة بخدمتها و هي ما بتشرق مخطتها
127-                      خمي و باتي و لا تاكلك حماتي
128-                      دردبيس ما بيعرف الجمعة من الخميس
129-                      دبور هدا على مسن قاله سن اذا فيك تسن
130-                      الدارس غلب الفارس
131-                      فوتت الحمام مو متل طلوعه
132-                      دخل عصه بشي ما بيخصه
133-                      يا داخل بين البصلة و قشرتها ما نابك غير ريحتها
134-                      الدفا عفا و لو بنص الصيف
135-                      رزق الهبل عالمجانين
136-                      ربيته جرو صار كلب و عضني
137-                      رجعت حليمة لعادتها القديمة
138-                      كمل النقر بالزعرور
139-                      أكبر منك بيوم أعرف منك بسنة
140-                      قنطارالنار ما بتحرق ايد إلا كاويها
141-                      المونة بدا ركونة ما بدا مرا مجنونة
142-                      أكل ومرعى وقلة صنعة
143-                      السكافي حافي والحايك عريان
144-                      اللي فيه مسلة بتنغزو
145-                      ألف قلبة ولا غلبة
146-                      العين ما بتعلاعالحاجب
147-                      الدم مابيصير مي
148-                      الديك الفصيح من البيضة بيصيح
149-                      ايلول دنبو مبلول
150-                      الحكي صابون القلوب
151-                      الرحمة مخصصة والبلا بيعم
152-                      ألف قولة جبان ولا قولة الله يرحمه
153-                      الموت مع الناس رحمة
154-                      الحية إذا جاعت بتعض بطنها
155-                      الصاحب ساحب
156-                      الجنازة حامية والميت كلب
157-                      الأعور بين العميان ملك
158-                      بدك تعمل جمال علي باب دارك
159-                      تاجرنا بالكفان بطل حدا يموت
160-                      حرد الدب عن الكرم زاد العنب قنطار
161-                      احترنا يا قرعة من وين بدنا نمشطك
162-                      شو بدّي اتذكر منك يا سفرجلة ، كلّ عضّة بغصّة
163-                      أدن من طين وادن من عجين
164-                      السكافي حافي والحايك عريان
165-                      العين ما بتعلا عالحاجب
166-                      الطبل بحرستا والزمر بمنين
167-                      الديك الفصيح من البيضة بيصيح
168-                      إن داقت عليك المخازن مخزنك عبك
169-                      البخشيش بالدرهم والعطا بالقنطار
170-                      الطرق ولو دارت والبنت ولو بارت
171-                      الولد ولد ولو صار قاضي بلد
172-                      بين النَوَر مافي تكليف
173-                      دخان يعمي ولا برد يضني
174-                      دود الخل منو وفيه
175-                    رضينا بالبين والبين ما رضي فينا
176-                      سموك مسحر خلص رمضان
177-                      ضروب الحديد هو وحامي
178-                    عم تتباها بضفاير بنت خالتها
179-                      طلعنا من تحت الدلف لتحت المزراب
180-                       طحان ما بيغبر على كلاس
181-                      على حظ الحزينة سكرت المدينة
182-                      عود منيح واحكي صحيح
183-                      قبل ما تقلا كش اضربها وكسير رجلها
184-                      قللو ما متنا بس شفنا مين مات قبلنا
185-                      كل مين شافني أرملة شمر ورجع هرولة
186-                      كسرنا الدف و بطلنا الغني
187-                    اللي ما بتزينو عروقو ما بتزينو خروقو
188-                      لا تتقل على امك وأبوك بيكرهوك
189-                      لا قيني ولا تطعميني
190-                      كل ديك على مزبلته صياح
191-                      لباس ماله و دكته بأربعين
192-                      لا تقول للمغني غني و لا للرقاص رقوص
193-                      ما بين السابق و المسبوق دقة خازوق
194-                      ما بيحك جلدك غير ظفرك
195-                      متل الحبلاس كل ما كبرت بتحلا
196-                      ما بيعجبوا العجب و لا صيام رجب
197-                      مشتراة العبد و لا تربايته
198-                      اللي خلف ما مات
199-                      لبس العود بيجود
200-                      مو كل مين قال بكره العيد دفعوله
201-                      مجنون يحكي وعاقل يسمع
202-                    من طول عمرك يا تينة مجعلكة
203-                      وقت بتقع البقرة بيكترو سكاكينا
204-                    يا رايح كتر منايح
205-                      يا مسترخص اللحم عند المرقة بتندم
206-                      يلي بيتجوز بالدين بيجوا ولادو بالفايض
207-                    يلي مالو كبير مالو تدبير
208-                      الفرس من خيالها و المرة من رجالها
209-                      عميه تمشط مجنونة
210-                      اللي ما بيعرف النسر بيشويه
211-                      البخش أكبر من الرقعة
212-                      ربوط الحمار مطرح ما بقلك صاحبو
213-                    ساقية جارية ولا نهر مقطوع
214-                      ست وجاريتين على قلي بيضتين
215-                    عيش يا كديش لينبت الحشيش
216-                      عرق آس ولا شماتة الناس
217-                      طعمي التم بتستحي العين
218-                    لبس المكنسة بتطلع ست النسي
219-                      متل حية التبن بتقرص وبتخبي راسا
220-                      يا لبنية بلا كبب يا عداوة بلا سبب
221-                      يلي مالو عتيق مالو جديد
222-                      اللي بيدق الباب بيسمع الجواب
223-                      يللي إلو طباخ ما بزفرايدي
224-                      يلي بيفوتك حصرم بتاكله عنب
225-                        لما كبر وشاب بعتوه عالكتاب
أخوكم
بشار الدمشقي
Category: سياسة

 

هل حقـــاً نعرف من هو هتلر
 
 alt
 
كلنا نعلم أن هتلر قاتل وحشي متهم بإبادات جماعية و نظرة عنصرية
فلو سألنا أسئلة صغيرة لأنفسنا :
 
من أين نعرف هذه المعلومات عن هتلر ؟
و لماذا حملنا هتلر جرام الإنسانية كلها ؟
الانكليز فعلوا أكثر من ذلك بحق ضد الاسكتلنديين و الهنود و كثير من الشعوب 
وكذلك اليابانيين أيام الحكم الإمبراطوري
جرائم نظام جنوب إفريقيا فور انتهائها ؟؟؟
جرائم إسرائيل و عصاباتها العنصرية كالهاجانا
 
جرائئم أمريكا في فيتنام و غيرها
فلماذا العالم ينقم على هتلر لحد اليوم ويسخر من النازية وكأنها موجودة لحد الآن بينما
 نسي جرائم كل القوى الإستعمارية السابقة
 
سأجيبك
 
تم صب جام الغضب على هتلر للأسباب التالية
1-   موقفه من اليهود اللذين انتقم منهم بدافع ديني و صمم على تدمير المخططين لإقامة دولة في فلسطين
و المحرقة اليهودية معروفة و لكن ليس بالحجم الذي تصوره الصهيونية حيث قرر هتلر إبادة اليهود لأنهم خطر سيهدد العالم يوما ما فأعدم المتمردين و نفا البقية.
 
2- موقفه من الإسلام فبعد دراسة هتلر للتاريخ القديم و الأمم المسيطرة على العالم ركز على دور العرب حيث كما قال إن هناك ثلاث قوى متحضرة احتلت العالم
هم الفرس و الروم و العرب أما الفرس و الروم فقد كونوا حضارة ثم قوة ثم استعملوها لغزو العالم عكس العرب الذين كانوا " عصابات همجية " احتلت العالم ثم بعدها
 كونوا حضارة ومميزات حضارتهم أنهم لم يفرضوا حضارتهم و يلغوا حضارة الآخرين بل أضافوها إلى غيرها من الحضارات فكانت الحضارة الإسلامية
 دليل على تحضر أهلها..ثم أعجب بهذا الدين فطبع المطبوعات التي تعرف الناس بالإسلام
و وزعها على جيشه ليطلعوا عليها و خصوصا الغير مسلمين رغم ظروف الحرب المادية.
 
alt
  
 
و أعطى المقاتلين الألمان من المسلمين الحق بالصلاة في أي مكان وفي أي وقت مهما كانت الظروف فكانوا يصلون
 جماعة في ساحة برلين وهتلر ينتظر حتى يكملوا صلاتهم ليلقي بعدها خطاباته للجيش النازي
 
 
 
 alt
 
alt
 
 
 
 
وكان يجتمع برجال الدين العرب ويسمع منهم عن الدين و سيرة الصحابة وكيف كانوا يتصرفون
 
الشيخ أمين الحسيني
 
alt
 
 
 
وحث المشايخ أن يكونوا مع جيشه أسوة بالقساوسة فيدعون غير المسلمين
 
 

 

 alt
 
 
وهذه المعلومات استنادا إلى دراسة تاريخية جمعت من عدة مصادر
 
 
 
 القرآن في احد خطابات هتلر
 
 
 
 
 
 
أراد الزعيم الالماني ادولف هتلر أن يلقي خطاباً للعالم يوم زحفت جيوشه الى موسكو , يملأ به المكان والزمان ،
 فأمر مستشاريه باختيار أقوى وأجمل وأفخم عبارة يبدأ بها خطابه الهائل للعالم .. سواء كانت من الكتب السماوية ،
 أو من كلام الفلاسفة ، أو من قصيد الشعراء ، فدلهم أديب عراقي مقيم في ألمانيا على قوله تعالى :
 
 
اقتربت الساعة وانشق القمر
 
 
فأعجب أدولف هتلر بهذه الآية وبدأ بها كلمته وتوج بها خطابه .
 
هذا ويذكر ان ادولف هتلر يذكر في كتابه كفاحي  والذي كتبه في اثناء احتجازه في السجن عام   1924 الكثير من عبارات القرأن الكريم
 
منها  حتى يلج الجمل في سم الخياط في وصفه لليهود وعدم امكانية اصلاحهم وهدايتهم .
 
 
 
 
 
 
 قـَسّم ادولف هتلر :: اقسم بالله العظيم هذا القسم المقدس
 
 
 
 
القـَسّم الذي ادخله ادولف هتلر على القوات المسلحة الالمانية بعد ان اصبح القائد الاعلى للقوات المسلحة الالمانية
 بعد ان دمج منصب رئيس الجمهورية ومنصب المستشارية معا
والذي كان يقسم به قادة هتلر عند تخرجهم من الكلية العسكرية او دورات الضباط السريعة .
 
 
 
 
 أقـَسّم بالله العظيم هذا القـَسّم المقدس ، ان اكون مطيعا لكل ما يصدره لي زعيم الرايخ الالماني وقائد شعبه ادولف هتلر القائد الاعلى للقوات المسلحة .
وان اكون مستعدا كجندي شجاع للتضحية بروحي في اي وقت من اجل زعيمي
 
 
 
 
المصدر :
سلسلة قادة الحرب - كتاب ادولف هتلر- صفحة 38 - ترجمة كمال عبد الله - الصادر عن المكتبة الحديثة للطباعة والنشر في بيروت الطبعة الاولى 1974.
 
 
 
 
 
 
 
 
رفض ادولف هتلر شرب - البيرة - الخمر
 كعلاج وصفه له احدى الاطباء حينما كان هتلر يعاني من توتر شديد في اعصابه نتيجة الظروف القاهرة التي مرت بها المانيا قبيل نهاية الحرب .
وسبب امتناعه عن تناول الخمر كدواء .. هو قوله :
 
 
كيف يمكن للمرء ان يحتسي الخمر كدواء وهو لم يحتسيه طيلة عمره
 
 
حيث كان شرابه المفضل هو الشاي المعلب باكياس الشاي الجاهزة .. فلم يشرب ادولف هتلر الخمر طيلة حياته .
 
 
ولكن في الحقيقة هذا ليس بصحيح أبدا فهتلر لم يقرب الخمر أبدا في حياته والسبب في ذلك أخلاقه النمساوية
وهذه الصفة كانت من أكثر الصفات التي جعلت الشعب الألماني يُعجب به
 
 
 
الحملة النازية لمقاطعة التدخين ..
 
 
 alt
 
كان الزعيم الالماني ادولف هتلر يحث رجاله ومساعديه على ترك التدخين ووعد كل من يترك التدخين بهداءه ساعة مطلية بالذهب
 وفعلا كان قد اوفى بعهده للكثير ممن استطاعوا ترك التدخين .. وهذه احدى صور الحملة النازية لمقاطعة التدخين .
 
 
 
الحاج أمين الحسيني مع جندي ألماني مسلم من أصل بوسني
 
alt
 
 
 
جندي آخر يعلق صوره مفتي القدس
 
 
 
 alt
 
 
 
 
 
 
 في الختام
 
 
وما نقلت من صور موثقه ليس من أجل الدفاع عن هتلر وإنما لكشف تزوير الحقائق الذي تتبعه الصهيونية لمن عاداها
 
أخوكم
بشار الدمشقي
Category: كمبيوتر

 

قوموا بالذهاب إلى جهاز الكمبيوتر .

2. اختيار القرص C .

3. ثم قم بفتح مجلد Program Files .

4. ثم قم بفتح مجلد Microsoft Office .

5. ثم مجلد MEDIA .

6. ومن ثم CAGCAT10 .

7. الصورة إسمها J0285926

8. قوموا بإزالة هذه القذاره من أجهزتكم
alt


او عن طريق البحث

1- أبدء

2- البحث

3- اكتب أسم الصورة (J0285926) في مكان البحث وراح تظهر معك وديليت
 
أخوكم
بشار الدمشقي
 
Category: إنترنت

إلى  الإخوة الأحباء جميعاً في تراترو

و إلى الأخت

Sima Nor

لأنها ذكرتني بالموضوع من خلال ردها على أحد مدوناتي

 

أحبابي لو نظرنا إلى أسفل صندوق الرد سنجد مكتوب هذه العبارة

alt

ما المقصود بكلمة تاغ ..... التاغ يعني وسم و هذه الوسوم المسموحة هي وسوم متعلقة بلغة ال

 HTML 

 و هي كثيرة لكن المسموح به هنا هي هذه الوسوم

و حتى لا أطيل عليكم بشرحي دعونا نتعلم معا بالأمثلة كيفية الإستفادة من كل وسم

الوسم IMG

 

و هو الوسم المتعلق بإضافة صورة ، كل ما عليك فعله هو كتابة التالي

alt

عنوان الصورة هو العنوان الذي يظهر في شريط عناوين المتصفح كما في الشكل

 

 

alt

 

الوسم b

و هو الوسم الخاص بجعل خط الكتابة في الرد بشكل عريض و طريقة عمله كالتالي

 

alt

و سيظهر الرد بخط عريض

 

الوسم br

هو للإنتقال بالكلام إلى سطر جديد فقط إكتبه بعد كلامك ولكنه هنا في الرد غير مهم

 

الوسم a

هو لإضافة رابط ضمن الرد و سأشرحه إذا تم الطلب حتى لا أطيل عليكم

 

انشالله كون توفقت بتوصيل الفكرة و الشرح بأسلوب سهل

 

مستني ردوردكم بالصور

 

أخوكم

بشار الدمشقي

 

 

 

Category: سياسة

السيد معالي وزير النقل و ا لمواصلات :

 

تحية طيبة و بعد:

 

بعد إلقاء فائق الأحترام و التقدير لحضرتكم و لمجهودكم  الذي تبذلونه ، أود أن أطرح أمامكم ما يجول بصدري :

 

سيدي : قبل أن نقر ضرائب جديدة تثقل كاهل المواطن الذي لا يحصل على ماله بسهولة ، و قبل أن نضع رقيباً على هذا الموطن الذي هو أحد المكونات الأساسية لقيام أي دولة

 

يجب علينا أن نضع رقيباً على من يقوم بتمثيل القانون على الأرض

 

لأن المواطن إذا رأى أن العقوبة ستناله و لا مفر منها فإنها ستكون رادعة و فاعلة ، أما إن رأى أنه ستطيع التملص منها من خلال عنصر فاسد ممن يقومون

 

على تطبيق القانون ، فلن نكون قد استفدنا من هذه العقوبة سوى زيادة الفساد ، و هذا يتنافى مع الشعار الذي رفعناه في مرحلة جديدة من مراحل نهوض بلدنا الحبيب

 

أرجوا تقبل رأيي بصدر رحب

 

و لكم جزيل الشكر و الإحترام

 

 

المواطن

 

بشار الدمشقي 

 

 


« الصفحة السابقة  |  مشاهدة نتائج 1-15من 37  |  الصفحة التالية »